رئيس التحرير: عادل صبري 01:29 مساءً | السبت 22 سبتمبر 2018 م | 11 محرم 1440 هـ | الـقـاهـره 34° صافية صافية

ماذا لو هاجم مرتضى منصور لاعبي برشلونة بعد النتائج الأخيرة؟

ماذا لو هاجم مرتضى منصور لاعبي برشلونة بعد النتائج الأخيرة؟

تحقيقات وحوارات

مرتضى منصور رئيسا لبرشلونة

ماذا لو هاجم مرتضى منصور لاعبي برشلونة بعد النتائج الأخيرة؟

أحمد عبد العليم 19 أبريل 2016 14:41

تشهد الفترة الأخيرة نتائج سلبية لفريق برشلونة الإسباني على صعيد منافسات الليجا ودوري أبطال أوروبا التي ودع منافساتها على يد مواطنه أتليتكو مدريد في ربع النهائي.

 

تخيل تصريحات مرتضى منصور رئيس الزمالك إذا كان موقعه على رأس إدارة النادي الكتالوني خلال الفترة الحالية، التي يظهر فيها عجز واضح من المدرب لويس إنريكي في علاج سلبيات الفريق الدفاعية والهجومية.
 

وأكدت إدارة برشلونة خلال الأيام الماضية دعمها الكامل للمدرب واللاعبين الذين حققوا الخماسية الموسم الماضي على الرغم من تراجع الأداء والنتائج مؤخراً.
 

ويستعرض "استاد مصر العربية" في تقرير تخيلي - (بالعامية المصرية) - تصريحات مرتضى منصور العصبية التي سيهاجم فيها المدرب واللاعبين على شاشات التليفزيون وفي جلسة خاصة معهم كما اعتاد أن يفعل في الزمالك.
 

*نيولوك وسحر نيمار:


"يا نيمار أنا عايزك ترجع فلاح زي ما جبتك من البرازيل"، "بنت خالة نيمار اللي في البرازيل عاملة (عمل) وهو اللي مانعه عن التهديف".
 


*إيقاف مستحقات ميسي:


"مفيش زيادة عقد يا أخ ميسي دلوقتي إلا لما ترجع لمستواك وتعرف طريق ربنا الأول".

 

*وكيل أعمال بوسكيتس وتجديد التعاقد:


"بقول لوكيل أعمال الأخ بوسكيتس تسكت خالص وما تتكلمش في فلوس ولا تجديد عقد إلا لما يرجع لمستواه الأول ويفوق من الفضايح اللي في نص الملعب دي".

 

*جمبري شتيجن:


"أنا عايزك تعزم زميلك على جمبري لأنك بتأخد أعلى واحد فيهم".

 

*ماسكيرانو البركة:


"أنا عايزكم رجالة زي ماسكيرانو كدا الراجل حالق شعره زيرو .. ما شاء الله بركة، خلصتلي على كل المدافعين اللي اشتريتهم".

 

*باروكة ألفيس:


"أنا معنديش لاعب يلبس باروكة ويبقى زي الستات الكلام دا مش عندي يا حبيبي تروح تعمله مع رئيس نادي تاني".

 

*تطول بيكيه على ريال مدريد:


"ريال مدريد دا نادي محترم وجماهيره محترمة أنا معنديش لاعيب يقل أدبه على منافس، بكرة الصبح مؤتمر صحفي الساعة 11 في كامب نو  عشان يعتذر لزميله في الريال".

 

*إنريكي والخرارة:


"أنا المدرب بتاعي فاشل فاشل فاشل، هجيبله مدرب عام بصلاحيات فنية، واللي مش عاجبه كلامي يشرب من أي خرارة".

 

*سواريز والتحكيم:


"مفيش لاعب يعترض على حكم أنا بطالب اتحاد الكرة بإيقافه 8 مباريات بدل 4".

 

*الدوري في كامب نو 10 سنين:


"بإذن الله رغم كل اللي بيحصل دا، أنا بوعد جماهير برشلونة أن بطولة الدوري الإسباني في كامب نو عشر سنين جايين وبقول للجمهور متخافش على النادي أنت عندك رئيس نادي أسد".

 

لمتابعة آخر القضايا والتقارير الرياضية اضغط هنـــــــــــــــــا

  • تعليقات فيسبوك
  • اعلان