رئيس التحرير: عادل صبري 11:45 مساءً | الثلاثاء 20 نوفمبر 2018 م | 11 ربيع الأول 1440 هـ | الـقـاهـره 28° صافية صافية

الجوازة خسرانة والعريس ضل حيطة

الجوازة خسرانة والعريس ضل حيطة

المرأة والأسرة

ضل راجل ولا ضل حيطة

المهم أتجوز..

الجوازة خسرانة والعريس ضل حيطة

سمية الجوهري 24 مايو 2014 07:13

رغم أنها مازالت في بيت أهلها.. ومازال لديها حق الاختيار وتقرير مصيرها.. ففترة الخطوبة تقوم على التعارف.. وحق كل طرف أن يستكشف الآخر.. ويتعرف على صفاته ويُقيم أفعاله التي بها يستطيع أن يقرر هل يُقدم على الخطوة الأخرى وهي الزواج.. أو أن يعتذر بلطف عن تلك الجوازة لأنها لا تناسبه.. فهى جوازة خسرانة بالنسبة له..

                                                                     

      المهم أتجوز حتى لو اطلقت

 

فبرغم ما عرفته عنه ولمسته فيه من قلة ذوق.. وسوء أخلاق.. وتعنيفه لها الدائم بطريقة غير لائقة.. إلا أنها ورغم نصيحة الجميع بوجوب تركه وانتظار عريس آخر.. مازالت متمسكة به.. ومازالت (بقية على الجوازة) والسبب (المهم اتجوز والسلام مش مشكلة بعد كده إيه وحتى لو اطلقت بعدها عادي..هبقى اسمي اتجوزت) وللأسف سمعت تلك العبارة من بنات كثيرات تتطلع إلى الزواج من رجل غير مناسب.. دون الالتفات إلى عواقب تلك الزواجة المحسومة (فالجوازة خسرانة والعريس مجرد ضل حيطة).

 

                                           ضل راجل ولا ضل حيطة

 

تعلق هند العدوي، استشاري الأسري والتربوي واستشاري الصحة النفسية والتأهيل النفسي، على تلك الظاهرة وتقول، إن ظاهرة.. المهم اتجوز حتى لو اطلقت.. ظاهرةغريبة أوي سادت الفترة اللي فاتت وبقى كل كلام البنات المهم اتجوز.. بغض النظر عن العريس كويس أو مش كويس على رأي المثل "ضل راجل ولا ضل حيطة".

 

مصطلح عانس (كابوس)

 

وتضيف العدوي أن تلك الظاهرة لها أسباب كثيرة منها.. الناس بتشوف البنت اللي مبتتجوزش "عانس" مصطلح "عانس" كابوس" على كل البنات بالتالي البنات بتهرب من المصطلح ده لأن نظرة الناس للعانس وكلامهم الكتير بيعمل عقدة.

 

"هي متجوزتش ليه؟؟.. دا أنتي اللي في سنك معاهم عيال.. أكيد تعرف واحد وضحك عليها".

 

عدم الإيمان بقضاء الله

 

وتتابع المستشارة الأسرية، في حالة كبيرة من عدم الإيمان بقضاء الله بقت موجودة.. لازم نعرف أن الجواز رزق.. زيه زي الأكل والشرب والشغل والأولاد وكمان زي السمع والبصر والكلام.. كل دي أرزاق.. مش معني إني وصلت سن الثلاثينيات أو الأربعينيات ومتجوزتش ابقى "عانس" لا ده أكيد ربنا سبحانه وتعالى شايلي حاجة أحسن.

 

الحالة النفسية

 

حالة البنت النفسية بتكون سيئة.. بتدخل في حالة من انحصار في الذات..أنا وحشة؟ ليه محدش اتقدملي؟ ليه مفيش حد مناسب؟ أنا كبرت.. أكيد محدش هيتقدملي.. وتعيش في قصة.. والشعور بالذنب: هو سبب فلان اللي رفضته.. كان كويس وأنا اللي افتريت.

 

مفيش حاجة اسمها عانس

 

وتقدم هند العدوي، الاستشاري الأسري والتربوي واستشاري الصحة النفسية والتأهيل النفسي، حلاً لتلك الظاهرة وتقول، أولا، لازم المجتمع يفهم أنه مفيش حاجة اسمها "عانس" مفهوم العنوسة دا كابوس وليس له صحة.. ممكن كلمة منكم تجرح إحساس البنت ومشاعرها.. الأفضل نكف عن أذيتهم بالكلام.

 

ثانيا، الآباء لازم ميتشددوش في الرأي ويدوا فرصة لبناتهم تختار وتحب وتشوف العريس على حقيقته وتعرف هل هتعرف تعيش معاه أو لا مش أي حد وخلاص.

 

                                   الخيرة فيما اختاره الله

 

 وأخيرًا: البنات لازم تؤمن أن "الخيرة فيما اختاره الله" اللي ربنا اختاره أحسن من اللي أنا عاوزاه.. أكيد ربنا مأخر زواجي عشان في مفاجأة ربنا محضرها ليا.. ولو مكانتش في الدنيا هتكون في الجنة إن شاء الله.

 

                         

  • تعليقات فيسبوك
  • اعلان