رئيس التحرير: عادل صبري 05:57 صباحاً | الخميس 13 ديسمبر 2018 م | 04 ربيع الثاني 1440 هـ | الـقـاهـره 22° غائم جزئياً غائم جزئياً

بالفيديو..مواطنون : تبرع السيسي "ضحك ع الغلابة"..وآخرون : ربنا يكرمه

بالفيديو..مواطنون : تبرع السيسي ضحك ع الغلابة..وآخرون : ربنا يكرمه

تقارير

مواطن يدلي برأيه في تبرع السيسي

بالفيديو..مواطنون : تبرع السيسي "ضحك ع الغلابة"..وآخرون : ربنا يكرمه

نورا ناصر - نوران التهامي- منال عاطف 24 يونيو 2014 14:30

تباينت ردود أفعال المواطنين في الشارع المصري عقب إعلان الرئيس السيسي" target="_blank">عبد الفتاح السيسي أنه لن يتقاضى سوى نصف راتبه وسيتنازل عن نصف ممتلكاته لمصر، أثناء الاحتفال بخريجي 6 دفعات جديدة من الضباط المقاتلين والمتخصصين بالكلية الحربية.

 يقول علي مجاهد أحد الباعة الجائلين بشارع التحرير: "القرار جميل بس فين التطبيق العملي إحنا لا عارفين مرتبه كام ولا ثروته قد إيه، وبعدين كله كلام بيضحك بيه على الناس الغلابة، و مطلبي الفئوي الوحيد أنى أعيش يعني حياه أو موت أتنازل عن مطلبي إزاي اضحي بحياتي !! ".

واستكمل مجاهد: "أزمات مصر عمرها ما هتتحل بالتبرعات ولا هنعيش طول عمرنا نقبل رأس الملك سواء ملك السعودية أو غيره زمان كان كانوا هما اللي بيقبلوا إيد الملك فاروق ".

وعلق مجاهد على تصريحات الرئيس عبدالفتاح السيسي قائلا :" انت كل فكرك اربط الحزام وخفض مرتبات ياعم انا عايز مشروع انت كدا بتعيشنا ساعة بساعة، انت لما تتنازل بنصف مرتبك ولا ثروتك كلها عادي إنما احنا هنموت ".

بينما قال هاني زكى محامي: "شبعنا كذب عايزين أفعال إحنا أكثر من 30 سنه الناس بتتكلم وكل رئيس يتكلم فقط عايزين فعل وبعد المواصلات وعامله ازاي والكباري أنا مش عارف حتى الان اقعد في بيتي او امشي بسيارتي مرتاح عايز احس بتغيير كفاية كلام ".

وبدوره قال سيد الحسينى أحد المارة بميدان التحرير إن المشير عبدالفتاح السيسي قائد عظيم وربنا يخليه لمصر وأتمنى كل القيادات بالدولة أن تحذو على نفس خطاه وكلما نضحي علشان نبني مصر واحنا بناشد رجال الاعمال زي ما اخذوا خير مصر يوقفوا مصر على رجلها من تانى واحنا كنا متوقعين اكثر من كدا من الرئيس عبدالفتاح السيسي واملنا فيه كبير ".

بينما رفض أحد موظفي مجمع التحرير تصريح المشير عبدالفتاح السيسي بشأن تضحية جموع المصريين قائلا :" الراجل دا شبعنا وانا لو طالبونى بالتبرع ولا الهوا أنا مش لاقى اكمل الشهر لما تزيد المرتبات هبقى اطلع زكاة عنى انا ممكن اتبرع بعيالى ".

واضاف سيد سيد احمد أن تصريحات المشير عبدالفتاح السيسي جيدة ولكن لابد من تنازل بعض القيادات بالدولة والتي تتقاضي بالملايين وراتبها يتعدى الحد الاقصى للأجور، موضحًا أن مصر بها رجال اعمال يعنى واحد زي ساويرس أو غيره يتنازل ويساعد البلد لحد ما تقف على رجلها وهي خيرها عليهم.

في حين عبر "صالح" ساخرا" أوافق اتبرع لمصر طبعا بس لما يوميتي تكفيني ويبقى معايا هتبرع".

وقال "محمود" إن هذا القرار إيجابي والسيسي يريد به أن يكون قدوة للشعب المصري "ولازم كلنا نسمع كلامه".

وعبر آخر عن سعادته بهذا القرار وقال "طبيعي أن يجي قرار زي ده من السيسي احنا اتعودنا منه على كده".

ودعت سيدة للسيسي قائلة "ربنا يكرمه ويصلح حاله ويصلح حال الشعب، ربنا يديني وأتبرع زيه لمصر".

 

شاهد الفيديو:

اقرأ أيضا:

بائعة جرائد للسيسي: مش راضيين يدوني معاش.. عايزه أرتاح

السيسي-يقلِّد-أوائل-دفعة-الكلية-الجوية-النوط-العسكري">السيسي يقلِّد أوائل دفعة الكلية الجوية النوط العسكري

 

  • تعليقات فيسبوك
  • اعلان