رئيس التحرير: عادل صبري 08:43 مساءً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية
هجرة الصناديق

جانب من الانتخابات البرلمانية المصرية

هجرة الصناديق

21 أكتوبر 2015 10:45

محدش يقول الشعب معندوش وعي..

محدش يقول الشباب قاعد فى البيت..

محدش يقول الستات لازم تنزل..

محدش يقول اللجان زحمة وفيها طوابير..

محدش يقول هو السيسي هيعمل إيه..

محدش يقول أصل الإخوان انسحبوا من المشهد..

محدش يقول هما فين الـ 30 مليون بتوع 30 يونيو

محدش يقول 25 يناير مؤامرة تاني..
 

حضراتكم كنتم حريصين على تفريغ الانتخابات من قوائم ومن مرشحين شرفاء من البداية، وجبتم اللي انتم عايزينه وضامنينه أنه حينفذ طلباتكم وبس.. ولم تتركوا للناس أي خيار آخر سوى أذيال مبارك، أو المطبلاتية، أو حزب "الزور". الناس تنزل تتنخب مين.. فين المشاركة والديمقراطية اللى بتتكلموا عليها..

الديمقراطية إنك تسيبلي الاختيار، عاوزينا نرجع تاني ونقول مرسي ولا شفيق (إخوان ولا حزب وطني).


حرام عليكم الورد اللي فتح فى جناين مصر ومات علشان احنا نتنفس حرية! 

مش انت يا سيادة الإعلامي داير بقالك سنتين تقول يناير مؤامرة، أهي المؤامرة دي هي اللي خلت عند الناس أمل في بكرة فنزلت تنتخب انتخابات رئاسة ودستور بدل المرة 2.. الحمد لله شكرًا لوطنيتك يا جناب الإعلامي الهمام، البلد رجعت لما قبل المؤامرة والشعب بطل ينزل ينتخب أو يهتم حتى، زعلان ليه بقا ها زعلان ليه مش دة اللي كنت عايزه.. حسبي الله ونعم الوكيل فيكم.. 

رجع الزيت والسكر تاني.. محدش يلوم غير نفسه، ربنا ينتقم من كل مرشح اشترى صوت الناس!!


بكلم أبويا في التليفون بيقولي انت فين، قولتله في الشارع، قالي يابني الصوت دوشة عندك أقف في أي لجنة انتخابية خليني أسمعك كويس..
 

عدد المشاركين في الانتخابات بالخارج 13497 من أصل 8 مليون يعني نسبة المشاركة 1%،  إلا العسكري اللي واقف على الباب دة هو اللي حاضر بس، مع إن المفروض ميقفش كدة لأنه واقف في ملكنا والحرم المصري.


سفارة جمهورية مصر العربية في باريس "لم يحضر أحد".

 

انتهى الدرس يا.....؟ أظن الرسالة وصلت. 

حزين عليكِ يا بلد بيقولوا فيكي الحلم اتقتل!

  • تعليقات فيسبوك
  • اعلان