رئيس التحرير: عادل صبري 01:17 مساءً | الخميس 13 ديسمبر 2018 م | 04 ربيع الثاني 1440 هـ | الـقـاهـره 22° غائم جزئياً غائم جزئياً

ساعة "الحظر" ما تتعوضش بـ"الذكريات والأفكار والكوميديا"

ساعة "الحظر" ما تتعوضش بـ"الذكريات والأفكار والكوميديا"

محمد عجم 21 أغسطس 2013 12:01

على مدار الأيام القليلة الماضية، التي كان سمتها الدماء وأصوات الرصاص؛ ظهرت تغريدات "تويتر" وتعليقات "فيس بوك" لتضيء ليل حظر التجول، وتنقل حال المصرين حلال هذه الساعات التي يمتنعون فيها عن التجول سوى في نطاق غرف منازلهم، وتتوقف أرجلهم خلالها على حدود أسوار بلكوناتهم!


وتعكس كلمات المصريين حول الحظر أسلوب حياتهم خلال هذا الحدث الطارئ، وطقوسهم التي يمارسونها خلال ساعاته الطويلة، وتبادل النصائح حول أعمال يمكن أن تتم في أيامه.


"طب ولله حظر التجول ده لطيف، بالأمس تجمعنا في بلكونة بيت بابا رحمه الله، وطوال الليل مع أسرتي الجميلة نتحدث عن ذكريات الطفولة والجواز والخطوبة، طلعنا صورنا أيام المصيف، سبق ذلك تجمع مع بعض الجارات، كان جو ألفه كده ومرح وود في العمارة بقالنا كتير محسناش بيه.. يا ريت يطول شوية الحظر ده"، كلمات قالتها رضوة، التي لا تزال تعيش مع ذكرياتها العائلية، لتكون وسيلتها المفضلة لقضاء أيام الحظر.


أفكار في الحظر

"أنا قاعد في البيت مش عارف أعمل إيه، سمعت موسيقى كتير وزهقت من الأفلام ومليش مزاج أقرا.. ممكن أفكار جديدة؟"، سؤال مطروح من جانب كثيرين، لذا كان البحث عن أفكار للقيام بها في وقت الحظر، ملحوظ على صفحات التواصل الاجتماعي، فهناك من يسأل عما يفعل، وهناك من يجيب.


ـ عندي ميت ألف حاجة ممكن أعملها فيك يا حظر! بس مليش أيتها نفس!!عندي أفلام كتيرة جديدة! عندي كتب اشتريتها ظريفة ممكن أسوي الدولاب .

ـ عايز تعمل دماغ بما أنه مفيش نزول؟، جيب ماج كبير، اعمل كوباية شاي، شغل أغاني، افتح تويتر.

ـ نوم ونت وأكل ونوم ونت وأكل ونوم ونت وأكل...... ملل.

ـ من فوائد الحظر أن يتاح لك الوقت لفعل تلك الأشياء الهامة التي لم تمتلك يوما الوقت لتفعلها.

ـ أمي لازم تفهم إن ده حظر تجول مش مشروع تسمين عجول!!

ـ الإقبال على التلاجة والأكل تاريخي يا فندم .

ـ أمشى أول خطوة ناحية الصالة واحلم إنك في الساحل.. كمل للبلكونة واحلم بشرم.. انزل تحت الدش كدة أنت في العين السخنة.

ـ هو إزاي مفيش حاجة تتعمل دي مؤامرة

 

"كوميديا سوداء"

لم تخل التعليقات والتغريدات من بعض الفكاهة التي اعتاد المصريين عليها في المواقف الصعبة، والتي تعد بمثابة "كوميديا سوداء"، يشغلون بها أوقات فراغهم، ومنها:

ـ نسبة المواليد هتكون تاريخية في شهر مايو اللي جاي يافندم.

ـ بعد تسع شهور من دلوقتي سكان مصر هيزيدوا عشرين مليون طفل

ـ فين أيام م كنت بروح 4 الفجر، وماما تقولى نورت اللكندة بتاعتك.. إييييييييييييييه دنيا.

ـ أنا حاسس إن أنا مش هاشوف الشارع تاني يا معتز.

ـ لما بيكون فيه حظر تجول الشعب بيجيله "تجول" لا إرادي.

ـ فين أيام ما كنا بننزل نتفرج على الحظر.. بجد فعلا ساعة الحظر متتعوضش.

ـ الحظر ده فعلاً أثاره سيئة.. عامل زحمة في البيت .

  • تعليقات فيسبوك
  • اعلان