رئيس التحرير: عادل صبري 12:23 صباحاً | الخميس 15 نوفمبر 2018 م | 06 ربيع الأول 1440 هـ | الـقـاهـره 26° صافية صافية

"السوشيال ميديا" السيسى خايف يواجه الشعب

"السوشيال ميديا" السيسى خايف يواجه الشعب

محمد درويش 29 أبريل 2014 12:08


ثار بين مستخدمي السوشيال ميدا تساؤل حول سبب عدم خروج السيسي للشعب في مؤتمرات انتخابية له، على الرغم من أنه ترشح للرئاسة بناءًا على مطلب الشعب وفق ما أعلنه التفاعل مع هذا السؤال جدلا واسعا على موقع التواصل الاجتماعى فيس بوك وأنتج موجة من المواقف والتوجهات المتباينة، قمنا برصد مجموعة من التعليقات قوامها 2000 تعليق, يمكن متابعة هذا الجدل فيما يلى:


التوجه الأول: الخوف
 

رصدنا داخل هذا التوجه 400 تعليق بنسبة 20%.

الخوف الأول: يرى بسبب خوفه من الشعب


فقالت (Om Mohamed): "علشان خايف من الناس علشان ليه فى كل بيت شهيد او مصاب او معتقل".


وأيدها (Ali Ebnelkanal): "خايف لو الشعب بيحبه كما يدعى كان نزل الشارع وقابل مؤيديه لو كان له مؤيدين".


واتفق معه (محمد رجب): " كل منطقه وكل حى وكل شارع فى مصر فيها عدد من المتضررين من اﻻنقﻻب هيظهر ازاى".


وأيدته (مرافيئ مرافيئ): "ﻷنه جبان ولم ينتخب من قبل الشعب بل من قبل فئة فاسدة".



 
 

الخوف الثانى: خوفه من الخيانة والغدر به واغتياله

فقال (وائل محمد خالد): "لانه مكروه وهوا عارف كدة وكمان خايف من الاختيال".


واتفق معه (صالح عبدالله المرغمي) قائلا: "لانه رجل غدار لذالك يظن ان الناس كلها غدارين زيه رجل جبان".


وأيده (Saloua Mokrani) بقوله: "من إستحوذ على شئ بالغدر والخيانة والدماء يظل خائفا".


وذكر (Abo Abdelrahman): "الع.. خايف لحد من الجيش يقنصه".


وعلق (محمد خسكية): "معندوش الشجاعة وكمان هو خائن زي الصهينة".



 
الخوف الثالث: يرى بسبب خوفه من جماعة الاخوان المسلمين

فقال (Yasser Abdel-khalek Mattar): "اصله مرعوب من الاخوان لانهم قوه كبيرة علي الارض و ليهم شعبيه جارفة و خايف الرئيس الشرعي مرسي يرجع و ينتقم منه :)))".


وعلق (mohamed Reda): "اكيد خايف من الاخوان تلاقيه بيحلم بيهم علطول".


وذكر (Osama Basha): "ايه خايف من الاخوان ولا ايه ليجولك المؤتمر".


 


التوجه الثانى: يرى أنه لن يخرج لأنه "كسبان كسبان"


رصدنا داخل هذا التوجه 100 تعليق بنسبة 5%.


فقال (Samah Hagag): "لانه عارف انه كسبان كسبان".


واتفق معه (Mouad Cito): "لأن الفوز مضمون له ولأنه يستحمر الشعب الضعيف وعامل فيها أسد والخروف أرجل منوا".


وعلق (Eman Shaaban): " انتخاب ايه هو رئيس بالعافية بالدبابة".


وذكرت (Ghada Ellithy): "مؤتمرات انتخابية ليه... هو مين بيضحك على مين... هو في نظره الشعب مايستاهلش وهو بالفعل الرئيس قبل الشعب ام رفض... ان شاء نصر الله قريب".


 


التوجه الثالث: يرى أنه لا يقدر على المواجهة لضعف شعبيته الآن


رصدنا داخل هذا التوجه 200 تعليق بنسبة 10%.


فقالت (Shahed Elsherif): "لأنه عارف ان مفيش له شعبية اصلا".


واتفقت معها (Amira Alkayar): "ﻻنه خاين وفاكر كل الناس مثله وعارف آنه ليس له آى شعبيه".


وأيدها (عبدة ابراهيم ابوصالح): "شعبية الخسيسي شئ من الخيال لا اصل له ف الواقع".


وذكر (Hassan Elsaid): "للحقيقه ليست له شعبيه غير المغفلين والمتخلفين علاوه على انه اجبن من ان يواجه الناس (لا يقاتلونكم الا من وراء جدر محصنه)".



 

التوجه الرابع: يرى أن شعبيته قوية فهو لا يحتاج لمؤتمرات


رصدنا داخل هذا التوجه 150 تعليق بنسبة 7.5%.

فقال (Mido Cool): "ﻻنه مش محتاج مؤتمرات يا خرفان ﻻن الشعب كله معاه و وراه".


واتفقت معه ( نور الدنيا): "علشان هو مش محتاااااااااااااج هو ان شاء الله نااااااااااجح".


وأيدها (مدحت سعيدة): "لان علاقة السيسى بالشعب لا تحتاج مؤتمرات لانه بطل قومى معروف".


وذكرت (Maggie Mohamed): "لان الشعب لا يهمه فكل ما يهمه هو كرسى الرياسة".


بينما قالت (Nour Alhoda): "هو فاهم الشعب و الشعب فاهمه ( فهمتوا ولا نقول كمان )".


التوجه الخامس: يرى أن سبب عدم ظهوره أنه ليس لديه برنامج انتخابى

ورصدنا داخل هذا التوجه 250 تعليق بنسبة 12.5%.

فقال (الغريب دائما): "عشان معندوش اى برنامج انتخابى ولا عارف هوهيعمل ايه غير تسخير البلد تحت ايد العسكر".


واتفقت معه (Mona Abdelghany): "ليس لديه ما يقدمه للشعب :::: وكل اللى فات منه عباره فيلم رومانسى لم يقدر على تمثيله للنهاية :::: لان الله كشف ستره والناس معظمها عرفت الحق من الباطل".


وأيدها (Hamada Zamzam): "ﻻنه ما عندوش برامج انتخابيه ومستني الفريق بتاعه لما يعد له البرامج يعني الدوره الجايه وعليكو خير ياتري مين يعيش".


وعلقت (Tota Jojo) قائلة: "لانو معندوش برنامج انتخابى فعلا الا سفك الدماء".


واتفق معها (علاء الصباغ): "لأنه ملهوش برنامج اصلاوالبرنامج بتاعه كمل جميلك علي ايه معرفش يمكن علي القتل والاعتقال والسحل وغيره كتير".


التوجه السادس: يؤيد عدم ظهوره فى المؤتمرات خوفا عليه


ورصدنا داخل هذا التوجه 350 تعليق بنسبة 17.5%.


فقال (Adel Eldarawlly): "خايف من امثالكم ليغتالوه".


واتفق معه (Tarek Mohamed): "لانه رئيس غصب عن الكل وحفاظا علي حياته من الجماعه الاوهالية".


وأيده (بكر العباسى): "السيسى رجل حافظ على الشعب جة الوقت الى الشعب يحافظ علية من كل شر ومكروة".


وسارت على خطاه (Bakosha Mohamed): "الشعب لايطاب السيسى بالظهور فى مؤتمرات خوفا على حياتة واحنا مطالبين بالحفاظ علية ومهما تستفزونا على عشان نطالبة بالظهور دة بعد كميا قتلة".


التوجه السابع: يرى انه يحترم ميعاد الدعوه الانتخابية


وقد رصدنا داخل هذا التوجه 250 تعليق بنسبة 12.5%.


فقال (Ahmed Maher): "لم يبدا ميعاد الدعاية الانتخابية بعد حتي نتحدث عن هذا".


واتفق معه (Nariman Al-Tamimi): "علشان محترم ولعدم تعديه حدود الدعايه الانتخابيه والتي تبد, 2 مايو".


وأيده (Khaled Farouk): "عشان هو محترم مستنى لما تبدأ فترة الدعاية الانتخابية بشكل رسمى...طبعا انتم ماتعرفوش حاجة عن الاحترام من اساسه".


وعلق (Mamy Roma): "احتراما للقوانين".
 

التوجه الثامن: يرى خوفه من ان يضرب بالجزمه مثل شفيق

وفي هذا السياق رصدنا داخل هذا التوجه 100 تعليق بنسبة 5%.


وفقال (Karem Belal): "عشان هيحصل معه زي محصل مع شفيق".


واتفق معه (Mohamed Taha): "خايف من الجزم الي هاتنزل عليه زي شفيق".


وأيده (محمد حفني المحمدي المحمدي): "حايف حد يضربو بالجزمه زاي صاحبا اياه".


وسار على خطاه (Hamoudeh Safi): "خايف لحد يديلو بالجزمة في وشو".


فقال (Abd Elrahman Mahmoud): "لوجه اسوان هياخد بالجزمة زي شفيق:-D".


واتفق معه (Maysra Shawky): "عشان عارف انه هياخد بالجزمه على ارعته".
 

التوجه التاسع: يرى أنه لا يعرف كيف يتكلم


رصدنا داخل هذا التوجه 200 تعليق بنسبة10%.


فقال (جنات الفردوس): "هو بيعرف يتكلم اصلا , هو بيعرف يمثل بس , يتسهوك بس , لكن يتكلم مافيش مخ".


واتفق معه (Ammar Yasser): "عشان هو عبيط ومبيعرفش يتكلم".


وأيده (Ashraf Abolela): "عشان ربنا مسلط علية لسانة تعرف العبيط منين من كلامة".


وسار على خطاه (محمد احمد): "ياعم ده مش بيجمع هيتكلم ازاى".

  • تعليقات فيسبوك
  • اعلان