رئيس التحرير: عادل صبري 02:06 صباحاً | الاثنين 17 ديسمبر 2018 م | 08 ربيع الثاني 1440 هـ | الـقـاهـره 22° غائم جزئياً غائم جزئياً

الاخوان هما السبب في....... البرد

الاخوان هما السبب في....... البرد

مقالات مختارة

مهندس/أحمد فتح الباب

الاخوان هما السبب في....... البرد

مهندس/أحمد فتح الباب 10 يناير 2015 11:38

بالنسبة  المظاهرات بتاع كل يوم جمعة مالها بقا ده أتعودنا عليها وإلى شايفها مضايقاه هقوله برضه عادي  

المظاهرات دى هى الى خليتنا نقعد فى البيت أسرة متماسكة ،متحابه ولا يعنى عايزين تنزلوا تخدوا قنبلة ولا

تشموا غاز حقيقى شعب مش عارف مصلحته .

 

وتبقى أحلى وأحلى لو مع المظاهرات النور قطع الراجل من دول حيمسك فى خناق مراته من الزهق ويطلقها

وبكدة نبقى حققنا المعادلة الصعبة وأتحكمنا فى زيادة عدد المواليد هنبقى بلد راقى يا معلم .

بس برضه يجى واحد يقولى الزحمة والبطالة أقوله يا حبيبى ده دول اتحلو فى خطوة واحدة انت بتسمى الكام

ساعة الى الناس بتوقفهم على الدائرى أو المحور دى- أبسلوتلى  أولا الزحمة بتدى  فرصة للناس  تنام وتأنتخ

وتعمل حاجات كتير أوى وراها ده غير أن لو واحد حب يكسر عليك وضايقك هتنزل تمسك فى خناقه وتطلع

عليه الزهق والخنقة وترجع البيت تتخمد زى الملايكة  . وكمان فى الزحمة استفادة تانية كل الى مش عارف

يركن علشان الخمس صفوف عربيات الى جنب بعض هتلاقى واحد جه يسعدك وأهى سبوبة وأكل عيش .

الزحمة كمان رحمتنا من الستات وسواقتهم المحترمة أهو خليهم خايفين ينزلوا ويتكنوا فى البيت بقى.

وأخيرا بقى كلمة عن السياحة وأحرق دمى وقولى باظت وخربت أبسلوتلى يا معلم أحنا أصلا كنا غلطانين

مفروض أن الباب الى يجيلك منه الريح سده واستريح واحنا كان بيدخلنا منه ميليارات بس ده مش مهم المهم

راحة البال وطبعا شعبنا كان باله مش مرتاح ويرتاح ازاى وهو شايف مزز بالشورتات والمايوهات مش دعوة

للتحرش والفسق ملها يعنى الست الى فى البيت دى (مش كانت أختيارك المهبب) يبقى عندك أختيار تانى ليه

وبعدين متاحف  ومعابد ايه الى بيجو يزوروها هو احنا رجعنا لعصر ابو لهب هو احنا ناقصين تخلف وجهل

وكمان توصل الهيافة بيهم انهم يجو علشان يشوفوا تعامد  الشمس على وش رمسيس التانى فى يوم عيد

ميلاده هما مالهم اصلا هو عيد ميلاد أبوهم  بطلوا محن بقى .

تقولى بقا غلاء أسعار ومرتبات قليلة الى ماعهوش ما يلزموش وكفاية ان البلد اصلا مستحملانا.

الخلاصة أن احنا شعب ظالم شايف نص الكباية الفاضى وحتى هنا لازم أقولك انك غلطان كل الى انت شايفه

غلط ده ابسلوتلى – صح ولو مش عجبك او مضايقك ممكن اسمح لك تقول كلمة واحدة بس .

واهم حاجة تكون حاسس بالاستقرار والاخوان هما سبب البرد والتلج اللي احنا فيه وطبعا لازم تقول تحيا

مصر

جبنا اخرنا.

  • تعليقات فيسبوك
  • اعلان