رئيس التحرير: عادل صبري 11:59 صباحاً | الجمعة 14 ديسمبر 2018 م | 05 ربيع الثاني 1440 هـ | الـقـاهـره 22° غائم جزئياً غائم جزئياً

بهاء الدين يكذب عمرو مصطفى بشأن شيرين

بهاء الدين يكذب عمرو مصطفى بشأن شيرين

فن وثقافة

المطربة شيرين

بهاء الدين يكذب عمرو مصطفى بشأن شيرين

عربي السيد 04 فبراير 2016 09:38

بعث الكاتب بهاء الدين محمد عبر حسابه بموقع التواصل الاجتماعى " الفيسبوك " رسالة إلى الملحن عمرو مصطفى ردا على اتهامته وذكره لأسمه فى أكثر من موقع حيث قال : هام جدا : إلى الملحن عمرو مصطفى :


 

أولا : فوجئت على أكثر من موقع إعلامى وصحفى إنك ذكرت إسمى وإسم الأستاذ المنتج نصر محروس كشهود على وقائع لم تحدث وادعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فنية .


 

ثانيا : على ما أتذكر انك ماكنتش لسه موجود كملحن في الفترة اللى بدأت شيرين فيها وجودها الفنى ولو كنت موجود كملحن ف بدايتك أظن من الصعب على شخصى وشخص نصر محروس إننا نتحايل عليك تسمع صوتها وهذا كلام غير صحيح.. ومش ح اتكلم عن الكلام التانى اللى انت كتبته عن شيرين وتناولته المواقع والصحف اللى مايصحش أكرره تانى لعدم صحته ولبواخته وتهوره .


 

ثالثا : شيرين عبد الوهاب .. مطربة لها مكانتها ووجودها اللى أظن هجومك عليها بالأسلوب والمستوى ده كان تهور غير محسوب !!!


 

رابعا : نصيحة من أخ أكبر ليك : ماتخسرش المحترمين بتهور لأن الدنيا مابقاش فيها ناس كتير يستاهلوا نحافظ عليهم .

وماعندناش نجوم كتير ف نفس المكانة .. والمفروض فنان بإسمك وحجمك لازم يحاسب ويحافظ على صورتنا وصور نجومنا قدام الناس والوطن العربى وأخيرا منتظر منك الإعتذار للجميع لأنى أثق إنك بتحترم الكبار .


 

خامسا : اخترت ردى يكون بنفس الأسلوب اللى اتبعته ف هجومك على شيرين وذكر اسمنا كشهود على وقائع لم تحدث .


 

وف انتظار اعتذار الفنان اللي جواك

 

كان الملحن عمرو مصطفى هاجم المطربة شيرين عبد الوهاب عقب تصريحاتها الأخيرة خلال حلقتها من برنامج "المتاهة" الذي تقدمه الإعلامية وفاء الكيلاني.

 

وقال عمرو في تدوينة عبر صفحته على موقع التواصل الاجتماعي "فيس بوك": "فعلاً الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها".

 

وتابع: "بس أنا مش هرد، أنا بس هقولك افتكري ريحة رجلك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك بعد كدة قالولي ممكن توصلها بس في طريقك لعباس العقاد، وسعتها رحت غسلت العربية من الريحة".



اقرأ أيضًا:

 

  • تعليقات فيسبوك
  • اعلان