رئيس التحرير: عادل صبري 04:12 مساءً | الأربعاء 14 نوفمبر 2018 م | 05 ربيع الأول 1440 هـ | الـقـاهـره 26° صافية صافية

بالصور ..عمرو حسن يوقع "باندا " بحضور مئات المعجبين

بالصور ..عمرو حسن يوقع باندا  بحضور مئات المعجبين

فن وثقافة

عمرو حسن في حفل توقيعه

بمعرض الكتاب

بالصور ..عمرو حسن يوقع "باندا " بحضور مئات المعجبين

آية فتحي - كرمة أيمن - سارة القصاص 03 فبراير 2016 14:58

وسط حضور كثيف من قبل محبيه وقع الشاعر الشاب عمرو حسن ديوانه الجديد "باندا" الذي يشارك به في الدورة الـ47 من معرض القاهرة الدولي للكتاب.


تجمع العشرات من محبي الشاعر في المقهي الثقافي بمعرض الكتاب في انتظار توقيع الديوان الذي اشتروه بشكل مسبق، ووجه عمرو حسن التحية لجمهوره على الحضور.

قدم الحفل الشاعر أشرف توفيق، كما القى عمرو حسن أحد قصائده والتي تفاعل معه الجمهور على أنغامها، والتي تقول كلماتها:-

عن الأوغاد صحاب السوء
وعن شلة بتجمع بين (تجارة وهندسة وحقوق)
وعن لمتنا ليلة العيد 
وعن خطة ريال مدريد 
وعن علبة سجاير ( كينت ) تتفرتك ف فيلم جديد 
وعن قهوة زيادة تقيل 
وسقعة ف كوبري قصر النيل 
وعن هزيمتنا بالصدفة ف اخر ثانية م البرازيل
وعن بوسة بنسرقها ف اخر صف ف السيما 
وعن تذنيبة الواحد عشان يحضر (بلاك تيما)
وعن واجب ف يوم فرحك
في غاية قلة القيمة
وعن لبس ف دولاب صاحبك تشُك بإن ده بتاعك 
وعن تهريج قلَب بغباء فــ سايب جرح ف دراعك 
وعن من بكره هنصلي، وننسى نصلي كالعادة !
وأول يوم تشوف صاحبك ببدلة جيش وببيادة 
وعن افلام محمد خان وعن انغام 
وعن نفس السؤال إياه  جايب جذمتك دي بكام ؟ 
وعن شغل المراكبية تعالى اتفضّل اشرب شاي 
وعن طلعتنا ع الساحل و مين قال جاي \
وعن ضحكة حسن فايق وعن الحان عمر خيرت 
وعن البوم منير الجاي
وعن احلام حاولنا كتير نحققها وماقدرناش 
وعن أوقات صحيح صعبة
لكن ليها لزوم تتعاش 
عن الشلة اللي انا منها 
ومهما باقول دي ناس صايعين 
يلاقوا مصيبة نعملها الاقي نفسي قولت امين 
يا أصحابي 
يا أصيع خلق ف العالم 
أنا ممتن ليكو بجد
على وقفتكو وقت الجد 
وع السر اللي ف صدوركوا ولاقولتوه ف مرة لحد 
انا والله باشكركم 
وبأمركم تكوني معايا للآخر 
بضحكتكوا اللي بنت بنوت 
عن العِشرة اللي عاوزة تعيش ... ف عز مافيه حاجات بتموت 


اقرأ أيضًا:

  • تعليقات فيسبوك
  • اعلان