رئيس التحرير: عادل صبري 09:43 مساءً | الجمعة 14 ديسمبر 2018 م | 05 ربيع الثاني 1440 هـ | الـقـاهـره 22° غائم جزئياً غائم جزئياً

توقيع رواية "هاشتاج" بمعرض القاهرة للكتاب..29 يناير

توقيع رواية هاشتاج بمعرض القاهرة للكتاب..29 يناير

فن وثقافة

غلاف رواية هاشتاج

توقيع رواية "هاشتاج" بمعرض القاهرة للكتاب..29 يناير

آية فتحي 23 يناير 2016 12:20

تستضيف  صالة 2  جناح دار المصري للنشر بمعرض الكتاب حفل توقيع رواية  "هاشتاج" للكاتب أحمد محمد وذلك في الثالثة عصر يوم الجمعة الموافق 29 يناير، في إطار فاعليات الدورة الـ47 من معرض القاهرة الدولي للكتاب المقرر انطلاقه في الفترة من 27 يناير إلى 10 فبراير 2016.  

 

ومن أجواء الرواية نقرأ:-


بعد أن انتهى آدم من رسمته، أغلق الاسكتش ووضعه بجانبه وظلَّ ينظر للنيل منتظرًا شروق الشمس.
- تفتكر هيحافظ على السر؟
كانت هذة الجملة صادرة من شاب يجلس بجوار آدم، ولكن لم يشعر به آدم إلا بعد سماع هذة الجملة.
فنظر له آدم باستغراب وأجاب في دهشة: أفندم ؟
- بقولك تفتكر هيحفظ السر؟.. قالها الشاب دون النظر إلى آدم؛فكان ينظر إلى النيل وهو يبتسم.
فأجابه آدم: 
- هو مين ؟
فردَّ الشاب مسرعًا: " النيل " 
ثم التفت إلى آدم ونظر له قبل أن يستكمل كلامه:
- هو أنت فاكر أنت لوحدك اللي بتيجي تحكيله أسرارك؟
ظلَّ آدم صامتًا ينظر للشاب باستغراب.
فاستكمل الشاب حديثه قائلًا:
- كلنا بنيجي وبنحكي للنيل وبنتكلم معاه بس يا ترى بقى هيحفظ السر، بصراحة أنا أشك مفيش حد دلوقتي بيحفظ السر،ناس قليلة أوي اللي ممكن تأمن لها على سرك والنيل ليه صحاب كتير ممكن يفضفض معاهم زي ما أنت ما بتفضفض معاه.
نهض الشاب وتقدَّم ناحية آدم ومدَّ يديه ليصافحه قائلًا:
- هشام تقدر تناديني وتقولي يا اتش.
صافحه آدم قائلًا:
- وأنا آدم.. آدم عبد الرحمن.
- أقولك يا اتش برضو؟ 
ابتسم آدم لأول مرة من بداية الحديث فجلس هشام بجانبه ليستكمل حديثه معه.

اقرأ أيضًا:-

  • تعليقات فيسبوك
  • اعلان