رئيس التحرير: عادل صبري 06:32 مساءً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية

كل حاجة فيكي فاترة .. قصيدة جديدة لـ "طلبة"

كل حاجة فيكي فاترة .. قصيدة جديدة لـ طلبة

فن وثقافة

محمد طلبة رضوان

كل حاجة فيكي فاترة .. قصيدة جديدة لـ "طلبة"

محمد طلبة رضوان 26 أغسطس 2014 11:33

كل حاجة فيكي فاترة

الشوارع زحمة من غير ابتسام.. من غير ونس

العساكر مجرمين من غير حرس

والليالي الحلوة ذكرى كل صُوَرها باهتة

كل حاجة فيكي بتصرخ: غيتوني

وحده تليفزيونك الأعمى بيقول: مصر شاطرة (!)

كل حاجة فيكي فاترة ...


 

كل حاجة فيكي مسروقة وبنت حرام

سرقة علني، وببجاحة، عيني عينك :

في الجرايد: للكلام

في الجوامع: للسلام

في الكنايس: للحنان

في الرياسة: للرياسة

في الفلوس: للنفوس

في الحقيقية: للدقيقة وللحيطان

كله مسروق

كله زايف

كله حاجة فيكي خايفة

حتى صوت الحق خايف

تسوى إيه الدنيا لو هتعيش جبان

تسوى إيه من غير بطولة .. من غير رجولة .. من غير رهان

تسوى إيه أنت، وإيه معنى انحيازك، لما يبقى لمصلحة أو قرش زايد أو لطايفة ..

يسوى إيه النور في عينك لما تبقى العين سليمة .. العين سليمة ..

وعاملة مش شايفة

كله أرخص م التراب

ما يساويش

كله بيغمس وياكل فيكي عيش

يسوى إيه العيش

يا ساقطة

لما ثديك يبقى تمنه

جملة واحدة قصادها نقطه

"النضيف في بلدنا لا مكانه ولا زمنه".

  • تعليقات فيسبوك
  • اعلان