رئيس التحرير: عادل صبري 04:31 مساءً | الأربعاء 26 سبتمبر 2018 م | 15 محرم 1440 هـ | الـقـاهـره 34° صافية صافية

قل أعوذ برب الناس.. قصيدة جديدة لـ "طلبة"

قل أعوذ برب الناس.. قصيدة جديدة لـ طلبة

فن وثقافة

الشاعر محمد طلبة رضوان

قل أعوذ برب الناس.. قصيدة جديدة لـ "طلبة"

20 يوليو 2014 12:35

قل أعوذ برب الناس

من شر اللي يذل الناس

ويرازي في أرزاق الناس

ويزود أوجاع الناس


قل أعوذ برب الناس

من كل عويل يشتم في "حماس"

من كل ذليل يقتل حراس

من كل اللي يزايد ع الدم

أو داق واتمنى لغيره الكاس


قل أعوذ برب الناس

م القسوة اللي في قلب الناس

والخسة اللي في طبع الناس

وشماتة أرزال الناس

في مصايب وبلاوي الناس


قل أعوذ برب الناس

م الحفرة اللي وقعنا في جوفها

والخلق اللي بتجري لخوفها

والعين الجاحدة اللي بتنكر

شايفاها ومش عايزة تشوفها


قل أعوذ برب الناس

من ناس بالاسم في وسطينا

أسمائهم تشبه أسامينا

عناوينهم لابدة في حوارينا

وموافقين إننا ننداس


قل أعوذ برب الناس

من مركب غرقان ع البر

من تبرير الخير للشر

من غلطان عارف، ومُصِر

من كل اللى مادقش الناس


قل أعوذ برب الناس
من شايف ويقول مش شايف

من شاهد ساكت أو خايف

من لايف على طير مش لايف

من صوت الباطل وسواس


 

قل أعوذ برب الناس

من يائس من بكرة الجاي

من ميت ويقول أنا حي

م الطري والممحون والني

كان طيب أو كان خناس

قل أعوذ برب الناس

قل أعوذ برب الناس

 

للتواصل مع الكاتب:

تويتر

فيس بوك


 

اقرأ أيضًا:

  • تعليقات فيسبوك
  • اعلان