رئيس التحرير: عادل صبري 07:27 صباحاً | الاثنين 24 سبتمبر 2018 م | 13 محرم 1440 هـ | الـقـاهـره 34° صافية صافية

محمد طلبة يكتب: قتلوك عشان تقتلهم

محمد طلبة يكتب: قتلوك عشان تقتلهم

فن وثقافة

الشاعر محمد طلبة رضوان

محمد طلبة يكتب: قتلوك عشان تقتلهم

محمد طلبة 29 أبريل 2014 15:36

الحزن مش بالوجع
الحزن مش بالهم
فتح عينيك يا جدع 
فيه ناس بتدفع دم 

الموت مالوش حسابات
مالوش فصيل أو حزب
ما يبرروش مرارات
وما يستروش الكذب

قتلوك عشان تقتلهم
فيقتلوك تاني
والتار ما بينك وبينهم
يتمد جيل تاني
والدم من كتره حاير 
في اللي قتل واتقتل
مين اللي فيهم بريء/
مين اللي كان جاني؟

يا صبر مالك تقيل
يا كرب يا مشدود
الحلم كان مستحيل
بس الأمل موجود

عديت لبر الأمان 
وطرف توبي اتبل
بلمس بإيدي الميدان
لقيت ضميره اتشل

وحدي .. ؟
وليه أبقى وحدي
ما كان ونسنا دفا
إيه اللي مرر كلامنا
وسطره بالجفا
ومين في كل اللي قالوا
وسمعنا
يستاهل؟
دخيل
وزور مجاله 
وخدعنا بالساهل
ساقنا 
وساء ارتجاله .. 
وبقينا نقتل بعض
مش بس نقتل ..
ونشمت ..
ونفوض الجاهل

مراااااااااااااااااااااار وطافح 
وسارح 
في الأرض شرق وغرب
لا كلام بيشفي 
ولا يغير
ولا حتى يوقف ضرب
والناس تموت ما تموت
غيرها يموت ما يموت
خَلق وقدرها كده
يقتلها عسل الكلام
يدبحها مر السكوت
والدنيا ماشية وهتمشي
والفرجة سلو التاريخ
تحزن بقى ولا تفرح
مفيش مكان لليوتوبيا
حكمة وقال لها ابن قارحة:
القرع لما استوى
قال للخيار يا لوبيا
........................................
 

للتواصل مع الكاتب:

على تويتر:

https://twitter.com/Tolba_Radwan

على فيس بوك: 

https://www.facebook.com/mohamed.t.radwan?fref=ufi

  • تعليقات فيسبوك
  • اعلان