رئيس التحرير: عادل صبري 01:42 مساءً | الثلاثاء 14 أغسطس 2018 م | 02 ذو الحجة 1439 هـ | الـقـاهـره 37° غائم جزئياً غائم جزئياً

خالد كامل يطرح قصيدة "إحنا بردو مكملين"

خالد كامل يطرح قصيدة إحنا بردو مكملين

فن وثقافة

الشاعر والكاتب الصحفي خالد كامل

خالد كامل يطرح قصيدة "إحنا بردو مكملين"

كرمه أيمن 27 يناير 2014 14:46

طرح الشاعر والكاتب الصحفي خالد كامل قصيدة جديدة بعنوان "إحنا بردو مكمِليين"، تدور أجواء القصيدة حول ثورة 25 يناير، والأوضاع السياسية التي أعقبت الـ30 من يونيو، وتشير القصيدة إلى أن الثورة مازالت مستمرة.

 

 تقول القصيدة:

لما يناير تبقى نكسة.
لما عيشتنا تبقى وكسة.
لما دم الشهدا غاب.
لما كل الشعب ساب
حقهم من غير حساب
لما جرجس من الأحباب
لما أحمد من الإرهاب.
ثورة دى و اللا انقلاب؟!!!!!
لما صوتك يبقى "خرسا".
لما فكرك يبقى "ممكن".
لما كل الناس بتنكر.
وردنا اللى فى الجناين.
بين دقيقة و لحظة فتَح.
و الخسيسي فينا بجَح.
و اللى طنش و اللى نايم.
و اللى قاعد و اللى قايم.
و اللى خايف و اللى خاين.
و اللى قال ثوار يناير.
طز فيهم دولا كارثة.
لما كل دا اللى حاصل.
فى التحرير من غير فواصل.
من بداية ثورة كانت.
هى ماتت و اللا حانت؟
و اللا فينا شيئ هباب؟
و الدماغ مليان خراب.
و العواجيز اللى فازت
و الخسران هو الشباب.
بس احنا لسه مكملين.
و لثورتنا فيه حنين.
ثورتنا لجمع الشتات.
ثورتنا نلم اللى فات.
ثورتنا ندى اللى مات.
حقه فيها فى يوم حساب.
موش نتاجر.. موش نقامر.
موش نئامِن.. موش نغامر.
موش تفرَقنا السنين.
موش تنسِينا الشهيد.
أو نهمل طفله الوليد.
ثورتنا ضد العبيد.
ثورتنا ثورة يناير.
احنا بردو مكمليين.

 

روابط ذات صلة:

محمد طلبة رضوان يطرح "في الميدان"

قصيدة للشاعر محمد طلبة رضوان عن الشيخ عماد عفت

  • تعليقات فيسبوك
  • اعلان