رئيس التحرير: عادل صبري 10:09 صباحاً | الأربعاء 17 أكتوبر 2018 م | 06 صفر 1440 هـ | الـقـاهـره 28° صافية صافية

صلاح جاهين يرثي التونسي

صلاح جاهين يرثي التونسي

فن وثقافة

صلاح جاهين وبيرم التونسي

صلاح جاهين يرثي التونسي

05 يناير 2014 15:47

قصيدة للشاعر صلاح جاهين يرثي فيها الشاعر بيرم التونسي:

 

جـــاية عروس الشـــــعر م البغالة
بملايــــــة لـــــــــف وكــف متحنى
شافت صوان وحبال وناس شغالة
وانا بابكى جنب الباب ومستنى
والشمس تقطر حزن ع الصحبة

 

مين اللى مات يا شب يابو الدموع
قالت عروس الشعر للموجوع
مين اللى مات يا شب قل لى يا خويا
قالت عروس الشعر لا يكون ابويا
أنا قلت ابونا كلنا يا صبية

 

مات زى ما كتف الجبل ينهد
مات باقتدار وفخار مقالش لحد
بيرم ومات ماشى ف طرـيق الجـــــد
وجنازته ماشية أهه في شارع الســـد
والنعش عايم في الدموع في عينيا

 

فايت في قلب القاهرة ومعدى
هو عارفها وهى مش عارفاه
على كل حارة وكل عطفة يهدى
كأنه راجع لسه من منفاه
بيبوس بعينه اللبده والجلبية

 

ده القبر ده ولا كمان منفى
طالع عليه الشوك والحلفا
ده القبر ده ولا كمان تبعيدة
حدفوه عليها كلمتين في قصيدة
بيرم فتحت ديوانه رد عليا

 

  • تعليقات فيسبوك
  • اعلان