رئيس التحرير: عادل صبري 01:13 مساءً | الخميس 17 يناير 2019 م | 10 جمادى الأولى 1440 هـ | الـقـاهـره 14° غائم جزئياً غائم جزئياً

قصيدة جديدة للشاعرة ابتسام شحتوت

قصيدة جديدة للشاعرة ابتسام شحتوت

28 ديسمبر 2013 15:10

ما نيش عنتر

 ولا عمرى هكون عنتر !

أنا انسان وبيفكر

 وقبضة ايده مكبوتة

 ف حدوتة

حبالها طويلة ممدودة

 لسابع جد !

أنا اللى بمد

 في حلمى خطاوى ما لها حد

 أنا شمشون عليه معبد

 حطام بيسيل دموع ع الخد

 وقلبى ف عبلة أنا شِلته

 وشَيلته

 ديون ولا حد

 هناك حاسس بأيها حد !

كراسى كتيرة مليانة

فساد بلاحد

 وناس ف همومها غرقانة ما لاقية حد !

أنا اللى بحزنى بتغطى

 وانام م البرد

 وشمس بلادى ف غروبها

تنادى الوِلد

 ولادى فاتونى ف المحنة

 أنا لوحدى

 وأبو الهول

 الصنم

أحجاره ما بتنطق

 ونهرالنيل هنا بيغرق !

وفين الســد؟

 

  • تعليقات فيسبوك
  • اعلان