رئيس التحرير: عادل صبري 12:08 مساءً | الاثنين 16 سبتمبر 2019 م | 16 محرم 1441 هـ | الـقـاهـره °

اتهامات بتزوير حلقات "نصيبي وقسمتك".. عمرو محمود ياسين يرد

اتهامات بتزوير حلقات نصيبي وقسمتك..  عمرو محمود ياسين يرد

فن وثقافة

الفنان عمرو محمود يس

اتهامات بتزوير حلقات "نصيبي وقسمتك".. عمرو محمود ياسين يرد

أدهم المصري 31 أغسطس 2019 13:10

تعرض الفنان والمؤلف عمرو محمود ياسين لهجوم كبير عبر وسائل التواصل الاجتماعي، واتمه العديد بأنه ليس هو المؤلف الأساسي لحلقات مسلسله الحاصل علي نسبة نجاح عالية "نصيبي وقسمتك"، وأنه هناك شخص أخر من يقوم بهذا الأمر.

وقال عمرو محمود ياسين في تصريحات "مصر العربية": الناجح لابد من محاربته، وخاصة بعد نجاح الجزءين الأول والثاني  من العمل، لابد أن يحدث هذا الأمر ويتم مهاجمتى من البعض، ولكن لم أتوقع أت تكون هذه المهاجمة.

وتابع، لأ أشغل نفسي بهذا الكلام مرة أخرى، وكل ما عليا أن أركز بشكل كبير في الأعمال التى أقدمها سواء دراميه أو سينمائية.

وكتب عمرو عبر حسابه الخاص علي موقع التواصل الاجتماعي: 
"في الوقت اللي انا طالع عيني فيه عشان أعمل حاجه كويسه الاقي مكالمتين جايين لي من شخصين مختلفين كل واحد فيهم بيحكيلي أن بيتقال إني أنا مش اللي بكتب ورقي بنفسي وأن في حد بيكتب لي الكلام ده ! 

 

طيب هو بالمناسبه هو اللي بيكتب لي أحسن مني في أيه مثلا يعني ؟ و أيه المانع إني أنا تحديدا أكون اللي بكتب ؟ مش متعلم مثلا؟؟ عندي تأخر عقلي ؟ و ليه اللي بيكتب لي مش بيقول انه لا ده مش عمرو اللي بيكتب ده انا اللي بكتب و ياخد اجري و يا خد الجوايز و التكريمات و الشو كله ؟! 

 

أنا عارف ايه اللي قاهر البعض هو انه ازاي انا بكتب في كل genres دي كده!

أزاي بكتب في الرعب و الساسبنس و الاجتماعي و الرومانسي و اللايت ... بس أهي من عند ربنا و الله حكمته كده نعمل ايه طيب؟ 

 

عموما الحمدلله اللي شاهدين على شغلي ناس كتير و عارفين اني الحمد لله بكتب شغلي بايدي و بدماغي و محدش له فضل عليا في ده غير ربنا .. و اي حد بيطلع عليا الكلام ده ربنا يسامحه و يهديه و يلاقي حاجه يعملها بدل السواد اللي هو فيه و الكلام ده هيكون دافع ليا باذن الله أنى أعمل شغل أحسن وأحسن.

ويتم الأن تصوير الحلقات القادمة من مسلسل "نصيبي وقسمتك" الجزء الثالث والذي يتضمن العديد من الحلقات والنجوم المشاركة فيه وعلى رأسهم الفنانة هنا شيحة.

  • تعليقات فيسبوك
  • اعلان