رئيس التحرير: عادل صبري 01:08 مساءً | السبت 22 سبتمبر 2018 م | 11 محرم 1440 هـ | الـقـاهـره 34° صافية صافية

 الملك زرزور.. «حد له شوق في حاجه»

 الملك زرزور.. «حد له شوق في حاجه»

فن وثقافة

محمود عبدالعزيز في شخصية الملك زرزور

في الذكرى الأولى لوفاة محمود عبدالعزيز..

 الملك زرزور.. «حد له شوق في حاجه»

عربى السيد 12 نوفمبر 2017 13:16

"دا احنا كسيبه ومخلصين وبنطلع القرش من بذر العنب.. لازم ندوش الدوشة بدوشة أدوش من دوشتها عشان ماتدوشناش.. حد له شوق في حاجه" جمل و"قفشات" قدمها الساحر ، الملك زرزور محمود عبدالعزيز خلال مشواره الفني.

فملامحه اللبنانية من الشعر الأشقر، والوجه الأبيض، وابتسامته الجذابة جعلته حلم فتيات السبعينيات، وبراعته فى الأدوار التى قدَّمها جعلت الجمهور يتأكد أنه “أعمى يقود دراجة بخارية، وجاسوس محترف، ورجل أعمال مصري يتحدث كل اللغات، وإرهابي ولص يتاجر فى المخدرات، ووصل الأمر إلى أن اقتنع الجمهور بصوته كأنه مطرب شعبى".

 



ومن أشهر القفشات له..

-عصر الشهادات والوظائف انتهى مبقاش يأكل عيش.. احنا فى عصر تفتيح المخ.

-لو الحشيش حلال أدينا بنشربوه ولو حرام أدينا بنحرقوه.
 

-اللى يحس الموت ويصاحبه بتتغير حياته، وبعدين إحنا بنخاف من الموت ليه وكلنا موتنا كذا مره إزاى؟

_وأنت شاب بيموت الطفل وأنت شايب وعجوز بيموت الشاب كلنا موتنا كذا مره وكل مره بنبكى ،لكن مفيش أغلى من الحياة أول ما تفتح عينك الصبح لازم تشكر ربنا وتسلم على الشمس وتسلم على الأكل وتسلم على الزرع تسلم على قميصك اللى أنت لابسه.

 

-الحكايه مش حكاية البيت ياعم مجاهد، المشكلة مشكلة الناس اللى عايشه و لازم تعيش متظلمنيش يا عم مجاهد، لا مؤاخذه يعنى مغرفة الفول اللى كانت بمليم، بقت بنص ريال، سلام عليكم سامحنى يا عم مجاهد.
 

- الحشيش ده هو الذنب الوحيد اللى فى حياتى بعد ما ماتت أم يوسف، مكانش عندي حتى بنى آدم أكلمه انا بكلم الناس حوالين الجوزه , بفضفض بضحك وأغنى في قعده حلوه لغايه ما أموت.
 

-وإن مكانش صحيح البصر اللي زيي، يساعد الكفيف اللي زيك، يبقا على الدنيا السلام.


- لازم ندوش الدوشة بدوشة أدوش من دوشتها عشان ماتدوشناش.

 

- ياصبر صبصب قلوب الصبايا المتصابين، وصوب صبابك على الصبايا المصبصبين، يا صابر الصبر صبرنا بصبر المتصبرين.

 

- إحنا اللى خلينا الشكرمون طاخ فى الترالوللى.

 

-الجرأة حلوه مفيش كلام.

 

-أهون عليك تهون عليا.



وكانت وصيته قبل وفاته " أن يحمل جثمانه علم مصر جنازته، لأنه كان يعشق مصر، وأن تقوم الدولة بمنح وسام لاسم محمود عبدالعزيز.

قدم الراحل محمود عبد العزيز نحو 90 فيلما للسينما المصرية وأكثر من 15 مسلسلا تلفزيونيا وإذاعيا إضافة إلى عدد قليل من المسرحيات لا يتجاوز أصابع اليد.
 

خاض الساحر تجربة الإخراج مرة واحدة من خلال  فيلم "البنت الحلوة الكدابه" وذلك عام 1977 .

 

وقدم الفنان محمود عبد العزيز العديد من الأفلام مع الراحلة معالي زايد وشكلا ثنائيا فنيا في أعمال عدة منها "الشقة من حق الزوجة، السادة الرجال،  سمك لبن تمر هندي ، سيداتى آنساتى".

 

بالرغم من نجوميته الكبيرة إلا أنه كان يخشى على أبنائه من العمل في الوسط الفني لقناعته بصعوبة النجاح داخل الوسط فضلًا عن الإرهاق الذهني والبدني.

ويمر اليوم ذكرى وفاته الأولى بعد صراع مع المرض عن عمر يناهز 70 عامًا.
 

  • تعليقات فيسبوك
  • اعلان