رئيس التحرير: عادل صبري 08:02 مساءً | الأحد 16 ديسمبر 2018 م | 07 ربيع الثاني 1440 هـ | الـقـاهـره 22° غائم جزئياً غائم جزئياً

إيهاب معوض يناقش أعماله الساخرة .. اليوم

إيهاب معوض يناقش أعماله الساخرة .. اليوم

فن وثقافة

أعمال الكاتب إيهاب معوض

إيهاب معوض يناقش أعماله الساخرة .. اليوم

آية فتحي 30 يوليو 2016 14:23

تستضيف مكتبة تويا بالمعادى ضمن فاعليات مهرجانها الثقافى الأول الكاتب الساخر إيهاب معوض لمناقشة أعماله من خلال لقاء  يديره مصطفى الفرماوي،  وذلك في السابعة مساء يوم السبت الموافق 30 يوليو 2016.


من أفكار إيهاب معوض نقرأ:-

١٠ نصايح  للمخطوبين:-

١- الخطوبه مش جواز ، دي مجرد تجربه ووارد تفشل ، يعني العريس مش زوج ومالوش حقوق غير التعارف ، يعني ما ينفعش يتقال له يا بيبي ولا ياجوزي ولا حتي يا حبيبي ، وطالما بقي خطيبك يبقي يستاهل بالكتير لقب (يامدهول ). 

٢- مش معني ان الخطوبه اسعد فتره ف حياتنا يبقي نقضيها مراجيح ، دي اًكتر فتره محتاجه تفكير ودراسه علشان تودينا لأسعد فتره ف حياتنا اللي هي الجواز ( عارف اني كداب ) .

٣- قرارات ابوكي واخوكي تمشي علي التخين وبالذات خطيبك ، ومش من حقه يقولك اخرجي او متخرجيش ولا تصاحبي مين ولا ماتصاحبيش ، يعني لو ناوي يعمل عليكي راجل اعملي عليه شوربه .

٤- الغريزه لو دخلت علي الخط هاتشوشر علي قرارتكم وهتكرهوا بعض او تدمنوا بعض ، وفي الحالتين التقييم مش هايبقي صحيح وهاتتصدموا بعد الجواز ، يعني نتلم و نحترم نفسنا لحد ما نتنيل نتجوز . 
٥- الطبيعي ان مفيش حد بيتغير ، وبالذات لو فشل يتغير في الخطوبه ، يبقي لايمكن هايتغير بعد الجواز، يعني بلاش نقول بكره هايتغير ، وكلنا طبعا عارفين المثل بتاع ديل الكلب .

٦- الفرح ممكن يبقي شكر لربنا علي نعمته ، وممكن يبقي شكر للشيطان ، يعني نخلع الحجاب ونجيب رقاصه ونتمنظر علي القرايب والجيران بالفرقه والأكل والفشخره ،لو كده يبقي نكنسله احسن ونطلع بتمنه هاني مون ف بلطيم او جمصي او حتي نصرف شويه ونروح راس البر . 

٧- قيمه الشبكه والمهر والمؤخر والفرح مش دليل علي ان العريس شاري او مش شاري ، لكن دليل علي امكانياته يعني السؤال يناسبا ولا مايناسبنهاش ، وديكارت بيقول (كل برغوت علي أد دمه) وام ديكارت بتقول ( خدوهم فقراء واشحتو معاهم ) وخاله ديكارت بتقول ..... ولا بلاش كفايه نميمه .

٨- لازم نعترف بعيوبنا ونخير الطرف التاني وهو اللي يقرر يستمر او ينسحب ، لكن نلبس أقنعه يبقي هانلبس ف حيطه .

٩- لما العريس او العروسه يبان فيهم عيوب لاتطاق ( البخل - الشك - الكذب - تباعيه الأهل - عدم التدين - الغرور- او عدم تفاهم خالص ) يبقي لازم نخلع ومانقولش نرضي بالمقسوم ، ساعتها ارجوكوا اتبطروا علي النعمه وعلي ضمانتي .

١٠- آخر نصيحه للعريس بلاش زيارات كل يوم ، بلاش فاكهه وحلويات كل مره ، بلاش تتعشي عندهم كل ماتروح - بلاش تعمل طبيعي زياده عن اللزوم وتروح بالبيچامه او تستهيف او حتي تطبخ مع حماتك ، خليك تقيل .

اقرأ أيضًا:-

  • تعليقات فيسبوك
  • اعلان