رئيس التحرير: عادل صبري 09:33 مساءً | الثلاثاء 18 ديسمبر 2018 م | 09 ربيع الثاني 1440 هـ | الـقـاهـره 21° غائم جزئياً غائم جزئياً

أغنية كوميدية لفريق "شارموفرز" بمشاركة أبطال هيبتا

أغنية كوميدية  لفريق شارموفرز بمشاركة أبطال هيبتا

فن وثقافة

أغنية "٦،٥"

بعد نجاح الفيلم ..

أغنية كوميدية لفريق "شارموفرز" بمشاركة أبطال هيبتا

آية فتحي 08 يوليو 2016 11:32

بعد النجاح الذي حققه فيلم هيبتا بالسينمات منذ طرحه بالأسواق، طرح فريق  شارموفرز على اليوتيوب أغنية "٦،٥" للتعليق بشكل كوميدي على فيلم "هيبتا" غناء فريق "شارموفرز" أحمد بهاء ومو العرقان.

 

ويشارك فريق "شارموفرز" في الغناء   أبطال الفليم الفنان عمرو يوسف، ياسمين رئيس، جميلة عوض، أحمد مالك، أحمد داوود، دينا الشربيني.
 

 

وتقول كلمات الأغنية 
السلام عليكم خمسة ستة هيبتا 
حوارات موضوعات مفتوحة في كل حتة 
ألوان كتير من العلاقات متلغوصين...... جوة البالتة
بقولك ايه، هو انت سمعت محاضرة هيبتا؟……و لا انت لسة نونة ببزازه و لابس البافتة
ايه دة يا جماعة؟ سامع الأذاعة…..كلام كتير متنطور نفسي بجد يكون إشاعة
اعمل مجنون وأقف علي السور اعمل Bye bye 
هتلاقي البنت علي السطح بفستانها تقول لك Hi 
إسمة يوسف عندة إكتئاب طفيف مثقف لا وجودي حساس حزين يمكن كفيف

عمرو يوسف : ضميني خذيني في احضانك انا مش شايف مكانك …

شارموفرز:.هو انتي بجد ؟؟!!

ياسمين : اه بجد …وإسمي رؤي 
مالك مش مكبر حد و داخل فينا شمال ….مش عاجبك الحال 
أسمع كلامي الي هيتقال

عمرو: بتردي ليه طب ما انا موجود ….ولا انتي ناسيه؟

شارموفرز: شكلك شبة البرقوقة

عمرو: قصدك شبة القراصية 

شارموفرز: كريم و دينا
جميلة: انت هتتريق علينا؟
مالك: تتريق ليه؟ couple لذيذ و هادي
شارموفرز: ايه الحلاوة دي؟
جميلة: بحبه من تالتة اعدادي، يا حمار
شارموفرز: ايه الشقاوة دي؟
مالك: و الموضوع مامشيش و عادي
شارموفرز: ليه الرزالة دي؟

شارموفرز:انا مش هتريق عليكوا... علي فكرة انتوا تمام..... في ناس مريبة تستاهل الكلام

شارموفرز: هو اسمه ايه؟ الفنان كان اسمه ايه؟

اسمة رامي دخل دخلة حرامي شكله اتكسف من كلامي بس لسة واقف قدامي…لية ؟؟؟؟
أنه الفنان الملطخ بالالوان الساحر الدجال قدامة المستخبي يبان 

داوود: ايه ياعم انت ، ماله فيلم هيبتا؟ تتريق عليا و داخل عامل فيها جته 

شارموفرز: زادت الاقاويل نتفق نعمل Deal…
داوود: .متتكلمش تاني و انا ارسمك علي المنديل

شارموفرز: هولا علا مالك بالناس دوله، ركبك الوزه و قالك يلا بينا نلعب بوله
كان بيهيس بالليل و ماسك موبايلة علي الwhatsapp 
قالك كلمتين رحتي انتي فتحه الباب 
وقلعتي الحجاب وكمان خطيبك إتساب رجع Single للشباب

علا: هههمممممممممم ،حاسه بالنفسنه، أنا أنا شمه ريحت الشمتنه.
تعالى هنا الكلام بين انت و أنا ، علي ال Beat دة سيكا إسمع الكلام مع المزيكة

دينا: زمباليجي زامبالوجو ايزي ماما أتجوز موجو 
مش فاهمين اي كلام خليهولك لما نعوزه 

عمرو و دينا : سمك لبن تمر هندي شويه ملح كريمة لباني 
عمرو: باسمع الاغاني عامل فيها من كوكب تاني
 

"هيبتا" بطولة ماجد الكدواني ،أحمد داوود، جميلة عوض، دينا الشربيني، أحمد مالك، وياسمين رئيس، عمرو يوسف و سيناريو وائل حمدي، وإخراج هادي الباجوري.
 

وتأخذ رواية"هيبتا" الصادرة عن دار الرواق للنشر، القارئ إلى العالم الذي أهلكته البشرية من أجل البحث عن أسراره، والذي على الرغم من تكرار قصصه ورواياته إلا أن الجميع يقع في نفس الأخطاء ويعيد نفس الأحداث ويتألم نفس الألم.

اقرأ أيضًا:-

  • تعليقات فيسبوك
  • اعلان