رئيس التحرير: عادل صبري 03:04 صباحاً | الثلاثاء 21 أغسطس 2018 م | 09 ذو الحجة 1439 هـ | الـقـاهـره 37° صافية صافية

عمرو سمير عاطف: فرض ضريبة على التعليم الدولي "منطق حرامية"

عمرو سمير عاطف: فرض ضريبة على التعليم الدولي منطق حرامية

سوشيال ميديا

عمرو سمير عاطف

عمرو سمير عاطف: فرض ضريبة على التعليم الدولي "منطق حرامية"

مصطفى المغربي 16 مارس 2016 20:34

استنكر المؤلف وكاتب السيناريو عمرو سمير عاطف فرض مصلحة الضرائب، ضريبة القيمة المضافة على التعليم الدولي.

 

وقال في تدوينة عبر حسابه على موقع التواصل الاجتماعي "فيس بوك": "أعلن عبد المنعم مطر رئيس مصلحة الضرائب المصرية، عن فرض ضريبة مضافة ما اعرفش يعني إيه على مصاريف التعليم الدولي يعني اللي ولاده في مدرسة دولية يدفع أكتر بعد ما العمله الصعبه زادت كمان، وبرر ده بأن من يمكنه سداد مصاريف التعليم الدولي عليه تحمل الضرائب".

 

وتابع: "ده يا سيادة عبد المنعم مطر هو بالظبط منطق الحرامية والنصابين اللى هو مش معاك يبقي أخد منك عادي، اللى مودى ولاده مدرسة دولية مفضيلك مكان في المدارس التانية وبيدفع اللى حيلته عشان ولاده بعد كده يبقوا أمل للبلد".

 

وأضاف: "ما تروح سيادتك تفرض ضريبة على كبار قادة الجيش والشرطة والقضاة، ولا تسترد الأموال اللي الحرامية الكبار هربوها للخارج وتسيب اللي عايز يعلم ولاده تعليم كويس يعمل كده".

 

وواصل: "ولا انتوا خايفين أحسن العيال تتعلم والبلد يبقي ليها مستقبل، والله يا سيادة رئيس المصلحة لو اسرائيل عايزة تدمر مستقبل مصر مش هتعمل أكتر من إنها تخلي جاسوس من جواسيسها يشتغل فى مصلحة الضرايب ويعمل قرارات زي دي، تحيا مصر يا أخي”.

وأعلن عبد المنعم مطر رئيس مصلحة الضرائب المصرية، إخضاع خدمات التعليم الدولى لضريبة القيمة المضافة الجديد، ضمن مشروع القانون المقدم من وزارة المالية لمجلس النواب.

 

اقرأ أيضًا:

  • تعليقات فيسبوك
  • اعلان