رئيس التحرير: عادل صبري 04:52 مساءً | الاثنين 22 أكتوبر 2018 م | 11 صفر 1440 هـ | الـقـاهـره 33° صافية صافية

باسم يوسف ينشر آخر صورة تجمعه بفريق "البرنامج" ويعلق: أنا فخور بكم

باسم يوسف ينشر آخر صورة تجمعه بفريق البرنامج ويعلق: أنا فخور بكم

سوشيال ميديا

باسم يوسف

باسم يوسف ينشر آخر صورة تجمعه بفريق "البرنامج" ويعلق: أنا فخور بكم

غادة بريك 14 مارس 2016 20:29

نشر الإعلامي باسم باسم يوسف آخر صورة تجمعه بفريق عمل برنامج "البرنامج".


وأشاد يوسف في تدوينة مطولة عبر صفحته الشخصية بموقع التواصل الاجتماعي "فيس بوك"، بفريق العمل، مؤكدًا أنه كان يتوقع أن يتم إيقاف البرنامج في يوم الأيام.

 

قال يوسف: "الصور دي كانت اخر مرة نتجمع فيها مع بعض. بعدها بشوية انا سبت البلد. الصور دي بانشرها مش عشان افتكر البرنامج . انا بانشرها عشان انا فخور جدا بكل الناس اللي في الصورة دي اللي دلوقتي كل واحد فيهم يا اما عنده البرنامج بتاعه او له دور مؤثر في برامج تانية ".


وتابع: " خالد و شادي عاملين شغل مافيش احلى من كده في ساترداي نايت بالعربي، ما كانش حد تاني يقدر يعمل الشغل ده و كونهم انهم يبقوا جزء من كتابة تاريخ التلفزيون العربي في حاجة تاريخية زي البرنامج دي فده شئ عظيم.و طبعا وراهم فريق هايل كان نفسي يبقى ليا الحظ اني اشتغل معاهم ".


وواصل: " أيمن حيبتدي برنامجه الجديد قريب، ايمن من مهندس عبقري لكاتب عبقري لاكيد مقدم برامج عبقري فانا مش خايف عليه  ".


واستطرد: " هند أحسن منتج فني في مصر، من غيرها ما كنتش حقدر اجمع الفريق العظيم ده ولا اديره. شغاله في كذا برنامج من خلف الكواليس و شغلها باين و لسه حيبان."


وأردف: " ريتا line producer مافيش زيها و جندي مجهول في برامج كتيرة. استحملت سخافة الشغل و كانت بتقعد على المونتاج لما الكل كان بيروح، خليفة مخرجي المفضل والوحيد بيخرج كذا حاجة و مازال بيرسم بعدسته اعمال فنية ف يكل حاجة بيعملها ".


وتابع: "وسام ، والله يا وسام مش عارف بتعمل ايه دلوقتي لا باهزر، وسام بيكتب في خمسين حاجة ما بين اعلانات و برامج، مبسوط انك انضميت معانا في الاخر و زعلان ان ده ما طولش".


وواصل: "أنديل مش باين ف يالصورة لانه متمرد و ديماجوجي و سفسطائي فبيحتقرنا و مش بيخرج معانا ، بس باحبه برضة".


وأضاف: " الصورة للاسف مافيش فيها الفريق العظيم اللي كان بيعد و بيدور و بيبحث في الالف الساعات يوميا. شغلهم باين في برامج كتير، من ساترداي لايف، لابلة فاهيتا لميصحش كده لحاجات على النت زي فينيت و جلوكال وحاجات كتيرة تانية. انا مبسوط اني كان ليا الحظ اني اشتغل معاكم كلكم ".


واستطرد: " وصحيح البرنامج وقف لكن التجربة دي طلع منها المواهب العظيمة دي. منهم اللي بيقولوا انهم اتعلموا من البرنامج و انا مش موافق على كده. البرنامج كان مجرد محطة اتقابلنا فيها و اللي حصل بعد كده استحقاق طبيعي لموهبتكم. هل حنتجمع تاني مع بعض و لا لأ ؟ الله اعلم. حتفضل بيننا الذكريات الحلوة و الشغل اللي بيطلع كل يوم منكم في برامج كتير و بيفكرنا بشغلنا مع بعض. و كلمة صغيرة لخليفة :"فاكر لما كنت باقولك: "البرنامج حيجيله يوم و يتمنع و كلكم حتشتغلوا و انا اللي حاقعد في البيت؟" شفت؟ كان عندي حق و انا مش زعلان بالعكس  ".


واختتم: " الواحد سعيد أنه جاتله فرصه مش متاحة لحد تاني. في ثلاث سنين عملنا اللي ناس تانية ماعملتوش في تلاتين سنة. و انتم لسه مكملين. و كل سنة و انت طيبين بمناسبة عيد ميلادي، الأسبوع الجاي ".




اقرأ أيضًا:

  • تعليقات فيسبوك
  • اعلان