رئيس التحرير: عادل صبري 08:54 مساءً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

شادي حسين: الإعلام أقوى أسلحة النظام ونواجهه بالسوشيال ميديا

شادي حسين: الإعلام أقوى أسلحة النظام ونواجهه بالسوشيال ميديا

سوشيال ميديا

شادي أبو زيد

شادي حسين: الإعلام أقوى أسلحة النظام ونواجهه بالسوشيال ميديا

غادة بريك 06 مارس 2016 16:02

اعتبر شادي حسين ابو زيد، مراسل برنامج "أبلة فاهيتا"، أن مواقع التواصل الاجتماعي تعتبر أداة قوية للتعبير عن الرأي وطرح الحلول والبدائل للأزمات الحالية في مصر.


وقال في تدوينة مطولة عبر صفحته الشخصية بموقع التواصل الاجتماعي "فيس بوك": السؤال الفهلوي "ايه البديل" من وجهة نظري طرح البدائل دلوقتي من أفشل الأفكار ان وُجد فعلا...لأن الناس ديه في ايدهم كل حاجة يحاربوا بيها اي بديل هتطرحه وفي ايدهم اقوى سلاح "الاعلام" وشوف على كدة أمثلة كتير ازاي حرقوا بدائل او اشخاص ديما كنا بنقدمهم وازاي كانوا بيعدموها من قبل ما تطرح...


وأضاف: " اتطرح بدائل كتير في ٢٠١١ على تطهير جهاز الداخلية وغيرها في تطهير المؤسسة التعليمية وكله أترمى في الهوى...ده حتى اللي قدم حل لمكافحة التعذيب جوة السجون بقى متهم دلوقتي بتهمة "بتأسيس كيان بدون ترخيص للتحريض علي مقاومة السلطات وممارسة نشاط حقوق الانسان وتكدير السلم العام ".


وتابع: اشخاص كتير مع اختلافنا في مهنيتهم بس لما اتحاربوا اتحاربوا في سُمعتهم بأتهامات متخلفة لأقصى حد زي "الحق ياعم ده بنته لابسة بكيني وهيقلع امك الحجاب - هو اللي دخل امريكا العراق" واتهامات متخلفة كتير لأشخاص كان ممكن يعملوا حاجة.


وواصل: " احنا مفيش حاجة في ايدينا غير الـ social media  اه هي سلاح قوي...بس مكنتش ناجحة في تلميع اشخاص او طرح بدائل لأن عادتا التلميع وطرح البدائل بيبقى محتاج يكون بأستمرار ويكون موجه لكل الناس...لكن الـsocial media  موجهة لفئة معينة والموضوع بيفرقع مرة واحدة ويعمل دوشة وبيختفي بنفس السرعة...التلفزيون كمان ممكن يكون موجه لفئة معينة بس الفرق انه عنده الاستمرارية في تكرار نفس النغمة ".


وأردف: " البدائل هتظهر في نص المعركة من المواقف والثبات، هتظهر اكتر في الصدام بحكمة...احنا في وقت دلوقتي كل ما نقول في حاجة غلط بتحصل بنتهاجم هجوم بشع والبعض كمان بيتقدموا للمحاكمة كمان لمجرد اعتراضهم على شيئ ما...مبالك بقى تقديم بدائل انت كدة "بتنقلب على نظام الحكم" في عز الظهر ".


واستطرد: " وعلى فكرة مش كل الناس مطلوب منها اصلا انها تطرح بديل من دلوقتي...كدة كدة عمر ما الجعان هيعرف يقول او يتقبل حلول غير لما ياكل كويس وعمر ما في اي انسان تحت ضغوط مختلفة وعايش ديما في ارهاب نفسي هيعرف يفكر كويس ".


واختمم بقوله: " في الوقت الحالي مطلوب مننا اننا نذاكر كويس...نذاكر كل اللي فات ونحفظه ونرسم سيناريوهات كتير مختلفة ونحط اسوأ الاحتمالات لما يواجهوا بدائلنا في المستقبل...خلوهم هم يحرقوا كل بدائلهم دلوقتي واحنا بنتفرج...خلوهم يتسلوا ".



اقرأ أيضًا:

  • تعليقات فيسبوك
  • اعلان