رئيس التحرير: عادل صبري 03:36 صباحاً | الثلاثاء 21 أغسطس 2018 م | 09 ذو الحجة 1439 هـ | الـقـاهـره 37° صافية صافية

أغنية "زيزو" تثير الجدل.. وكاتبها ومخرجها يردان على الانتقادات

أغنية زيزو تثير الجدل.. وكاتبها ومخرجها يردان على الانتقادات

سوشيال ميديا

لقطة من أغنية "زيزو"

أغنية "زيزو" تثير الجدل.. وكاتبها ومخرجها يردان على الانتقادات

عبدالله بدير 29 فبراير 2016 16:28

علّق كل من جورج عزمي، أحد مقدمي عروض الـ "ستاند أب كوميدي"، وكاتب أغنية "زيزو"، وعمرو سلامة، مخرج الأغنية، التي ذاع سيطها خلال الساعات الأخيرة، على الانتقادات التي وجهها بعض المشاهدين.


ورد "عزمي" على الانتقادات المتعلقة بحقوق الملكية الفكرية للأغنية، عبر تدوينة بثها على حسابه الشخصي بموقع التواصل الاجتماعي "فيس بوك": "احنا أكيد دورنا وشوفنا حقوق ملكية الأغنية دي قبل مانصورها أو نوافق عليها طبعًا".


وتابع: "الأغنية دي هي "sweet violets" في الأصل، في الـ"public domain،  يعني ملهاش حقوق ملكية فكرية بتاعة حد معين، مثل أغنية "كيلو بامية" كدة، أو "هابي بيرثداى تو يو"، يعنى أي حد يقدر يذيعها، يغيّر كلامها، يلعب بالفكرة بتاعته، عادي محدش هيزعل".


وأكمل عزمي: "والأغنية اللي معموله animation أبيض و أسود دي أصلًا نسخة تانية من الأغنية الأصلية، عملوها "arrogant worms" من الأصلية، وغيروا كلامها واحتفظوا بالفكرة واللحن، علشان مفيش مشكلة في ده".


وواصل: "تُعتبر أغنية sweet violets أو الـ assumption song  مثال كلاسيكي لده،  وإحنا لم ندّعِ أن إحنا اخترعناها، علشان كدة مغيرناش اللحن الأصلي، ومن هنا قررنا نعملها و ننبسط بكتابتها، علي أمل أنها تبسط ناس تانية".


وأردف: "الأغنية الأصلية أول ما اتسجلت، سجلتها Dinah Shore مع Henri René's Orchestra & Chorus، سنة ١٩٥١ وكانت فيها نفس اللعبة، بس كانت كلماتها خفيفة بما يناسب الخمسينات، ودي اللي منها اللحن الأصلي، وكان اسمها sweet violets ، وكانت بنفس اللحن وكلام مختلف يتناسب مع دماغ العصر في "القباحة"، وكان الكورس بتاعها وعنوان الأغنية "seet violets"، من أغنية في التراث الايرلندى من سنة ١٨٨٢".

الجدير بالذكر أن عمرو سلامة مخرج البرنامج علّق هو الآخر على الانتقادات السلبية لمحتوى الأغنية، قائلًا في تدوينة: "من أوّل الاسكتشات اللي طلعت فكرتها في البرنامج، قعدنا شهرين بنغنّي الأغنية وبمليون تحريف"، مضيفًا:" شادي ألفونس وجورج عزمي هم اللي كتبوا كلام الكارثة ده".

وأضاف: "مبسوط بكل ردود الأفعال على أغنية "زيزو"، الأغنية بالمعنى الحرفي كسّرت الدنيا، ومتفهم أن أي حاجة بتنجح النجاح الساحق ده هتلاقي معارضة، مضيفًا:" اللي شايفها مسروقة واللي شايفها قليلة الأدب ومبتذلة واللي شايفها رخيصة، وبما أنها المفروض كوميدية، فأي منتج كوميدي أي حد ممكن يشوفه سخيف أو حتى "بيض"، عادي".


وأكمل: "الكوميديا subjective جدًا، اللي ممكن تلاقيه يموت من الضحك، غيرك هايشوفه سخيف، والعكس ممكن يحصل، مضيفًا:" المبهج والمبشر أن ده سكيتش واحد ضمن حلقة واحدة فيها سبع سكيتشات، يعني على مدار موسم واحد هاتشوفوا أكثر من ٢٥٠ سكيتش ثانيين، وعلى حسب ذوقك هتلاقي اللي أحلى منه، واللي أقل منه".


واستطرد: "بدري تحكم على برنامج كامل من سكيتش واحد، بس بما إننا صورنا كذا حلقة بنوعدكم أنكم مهما كُنتُم "أخلاقيين" أو "متحررين" أو "أصليين" أو بار مستوى الضحك بتاعكم في السما، هاتلاقوا اللي هايبسطكم ويمتعكم".

يُذكر أن تم عرض أغنية "زيزو" خلال برنامج "SNL بالعربي"، والذي يُذاع عبر قناة "OSN"، ويقدم البرنامج أبطال برنامج "البرنامج" السابقين، شادي ألفونس وخالد منصور، ومن إخراج عمرو سلامة، ونالت الأغنية إعجاب الكثير من المشاهدين وهجوم البعض الآخر.


كما أن البرنامج هو نسخة عربية من برنامج "Saturday Night Live"، وهو برنامج كوميدي أمريكي متنوع يُذاع على شبكة "ان بي سي" الأمريكية.

فيديو أغنية زيزو..

 

امسخرة هتموت من الضحك اغنية للثنائى خالد و شادى جزء من حلقة اليوم من snl بالعربى

Posted by Filmena.com on Saturday, 27 February 2016


اقرأ أيضًا:

  • تعليقات فيسبوك
  • اعلان