رئيس التحرير: عادل صبري 11:08 مساءً | الثلاثاء 25 سبتمبر 2018 م | 14 محرم 1440 هـ | الـقـاهـره 34° صافية صافية

رسّامو الكاريكاتير يتضامنون مع إسلام جاويش

رسّامو الكاريكاتير يتضامنون مع إسلام جاويش

سوشيال ميديا

إسلام جاويش

رسّامو الكاريكاتير يتضامنون مع إسلام جاويش

غادة بريك 31 يناير 2016 21:53

تضامن عدد من الرسامين مع رسام الكاريكاتير إسلام جاويش، بعد القبض عليه اليوم الأحد.


ونشر الرسامون على صفحاتهم رسومات كاريكاتيرية تحاكي رسومات "الورقة" التي يقدمها إسلام جاويش عبر "فيس بوك".

محمد أنور: "يمين شمال إسلام هيخرج..و هيفضلوا خايفين من ورقة و يعملوا عقلهم بعقلها.. يا بتوع الترخيص".



مخلوف: "تضامنًا مع ‫إسلام جاويش، الورقة".

نور حمدي: "اعتقال ورقة".


عمرو عيسى: القبض على رسام الكاريكاتير إسلام جاويش من مقر عمله، متضامن مع إسلام جاويش".

محمد أنديل: "الدولة خلاص اختارت الطريق وعاوزة تمشي فيه للآخر، الحبس دلوقتي مش اضطرار ولا حذّر، الحبس رسالة للجميع وتخويف متعمد. نظام السيسي فعلاً مقتنع أنه مبارك وقع البلد عشان كان متساهل زيادة عن اللازم وكأنه كان بمزاجه مش بسبب ضغط شعبي متزايد ومطالب ناس شايفة الدنيا حواليها عايشة إزاي".

وتابع: "السيسي بيستثمر في إسعاد المواطنين الزومبي أو تخويفهم بأخبار الحبس والمداهمات وتفتيش البيوت ومبهور بعلاقة بشار بروسيا وبالنسبة له دي التحالفات اللي بجد مش الأمريكان اللي باعوا مبارك في أول ملف. السيسي بيحلم بمصر جديدة جميلة ماحدش فيها بيفتح بقه والطين بيتنزح فيها من فوق لتحت".

وأضاف: "أحب أقول السيسي وأحبابه، هيستيريا الثورة اللي كانت راعباكو بعد ٢٥ يناير موجة بتنزل وتطلع، الناس بتبقى معاها لما يحسوا أنه مفيش غيرها، ويبعدوا عنها لما بيبقى عندهم أمل في حاجة ثانية، إنتوا كده بتقتلوا الأمل في أي حاجة وبتعيشو الناس على الخوف بس، الخوف زي مابيخلي القطة تجري منك، بيخليها لما تتزنق تهبشك وتجيب فتحتين مناخيرك فتحة واحدة، لما نشوف آخرتها".

وكانت قوة من مباحث المصنفات قد ألقت القبض على رسام الكاريكاتير إسلام جاويش، من مقر عمله، بإذن من النيابة العامة بعد بلاغات تتهمه بإدارة موقع إليكتروني إخباري وصفحة على موقع "فيس بوك" بدون ترخيص.

اقرأ أيضًا:

  • تعليقات فيسبوك
  • اعلان