رئيس التحرير: عادل صبري 02:41 مساءً | الاثنين 22 أكتوبر 2018 م | 11 صفر 1440 هـ | الـقـاهـره 33° صافية صافية

مراسل أبلة فاهيتا أحد مصابي محمد محمود

مراسل أبلة فاهيتا أحد مصابي محمد محمود

سوشيال ميديا

شادي حسين

مراسل أبلة فاهيتا أحد مصابي محمد محمود

26 يناير 2016 16:43

شنت مواقع التواصل الاجتماعي حملة من الهجوم على شادي حسين مراسل برنامج أبلة فاهيتا، المذاع على فضائية cbc، بسبب فيديو تهنئة الشرطة بواقي ذكري.


إلا أن بعض النشطاء دافعوا عنه متداولين صورة له مصاب بطلقات خرطوش منتشرة في جسده.

وفي تدوينة قديمة على حسابه الشخصي بموقع التواصل الاجتماعي "فيس بوك" يروي إصابته بطلق خرطوش من قوات الأمن في أحداث محمد محمود التي وقعت في نوفمبر 2011.

زي النهاردة من ٤ سنين...يوم ٢١ نوفمبر في محمد محمود...اتضربت بطلقة خرطوش وشالوني على اقرب مستشفى ميداني مابين هارديز وكنتاكي...فاكر وقتها الموتسكلات لما واحد خاطر وشالني من قدام وحطني على موتسكل وجري بيا...فاكر وقتها وانا عينيا فيها دموع نازلة ومزغللة وشايف شارع ضلمة وناس بتوسع طريق وكشفات الموتسكلات اللي بتشيل مصابين ضاربة في عيني ومش عارف اخد نفسي...وقتها المكان مكنش مكفي وكنا محطوطين فوق بعض...فاكر يومها كنت بصرخ من الوجع لما لقيت ناس بتتحط عليا من الزحمة...وانا بقول للدكاترة متخلوش حد يسند عليا علشان مش قادر وهم في حالة عجز تام...وانا ببص على اللي محطوطين عليا ومش عارف ابعدهم لقيت منهم ناس مبرئين ومبيتنفسوش ولا بيتحركوا...استوعبت ساعتها انهم ماتوا وانهارت في العياط...المستشفى الميداني وقتها مكنتشي مكفية مصابين وجثث وكنا كلنا فوق بعض...وكان في محاولة لاقتحام الميدان من ناحية الشارع اللي فيه المستشفى والناس تجري والدكاترة ولاد وبنات وكبار يقولوا متخافوش احنا مش هنسيبكم مهما حصل احنا هنموت معاكم...بعدها صحابي شافوني بالصدفة وخادوني على مستشفى خاصة...النتيجة كانت اصابة ٤٣ بلية خرطوش اغلبهم في اعصاب ايدي مما ادى الى عجز مؤقت وضعف فيها لاحقا...عمري ما هنسى تفاصيل اليوم ده من الوجع من بصة الظابط وهو بينشن عليا لحد بصة صحابي لما شافوني واتخضوا عليا.



وقام شادي حسين بتصوير فيديو بصحبة الممثل الشاب أحمد مالك، تداوله رواد "فيس بوك"، يقومان فيه بتقديم "واقي ذكري" على هيئة بالون إلى أمناء الشرطة في ميدان التحرير، أمس الإثنين، خلال الاحتفالات بالذكرى الخامسة لثورة 25 يناير والتي تتزامن مع عيد الشرطة.

اقرأ أيضًا:

  • تعليقات فيسبوك
  • اعلان