رئيس التحرير: عادل صبري 11:49 صباحاً | السبت 15 ديسمبر 2018 م | 06 ربيع الثاني 1440 هـ | الـقـاهـره 22° غائم جزئياً غائم جزئياً

محمد عطية عن اعتذار أحمد مالك: عقبال الداخلية ما تعتذر عن القتل والاعتقال

محمد عطية عن اعتذار أحمد مالك: عقبال الداخلية ما تعتذر عن القتل والاعتقال

سوشيال ميديا

محمد عطية

محمد عطية عن اعتذار أحمد مالك: عقبال الداخلية ما تعتذر عن القتل والاعتقال

غادة بريك 26 يناير 2016 14:26

انتقد الفنان محمد عطية حملات الهجوم التي طالت أحمد مالك وشادي حسين بسبب فيديو تهنئة الشرطة بواقي ذكري.


وكتب عطية في تدوينة عبر حسابه الشخصي بموقع التواصل الاجتماعي "فيس بوك قال فيها:


"أحمد مالك و شادى حسين ... التايم لاين كله مقلوب عليهم .. لإهانة الشرطة .. قول والمصحف ؟؟ مش أنت نفسك اللي كنت بتتباهي بأن اللي هينزل يعمل حاجة الشرطة هتنفخه؟؟ ومبسوط قوي بقمعية الدولة؟؟ وهارينا اللي هينزل يبقى هو المسئول ... و فرحان في وقف باسم يوسف والمعارضين و بتأيد حبس المعارضة وشايفهم خطر علي البلد".


وتابع: "مش أنت اللي فضلت تبرر قتل شيماء الصباغ وغيرها والتصفية الجسدية اللي بنسمع عنها كل يوم وبتقول أحسن .. دول من عناصر الجماعة الإرهابية .. أنا عاوزك بقى تقولي على طريقة للتعبير عن الرأي في السجن الكبير اللي إحنا فيه".


وأضاف: "لو مالك وشادى نزلوا بيافطة ممكن يتسحلوا أو يتقتلوا عادي وأنت ساعتها هتبرر زي مابررت قبل كده .. أنت عارف فيه كام معتقل عشان حاول يعبر عن رأيه بسلمية؟؟ أنت عارف إن فيه طفل محبوس بقاله سنتين إحتياطي عشان لابس تيشرت مكتوب عليه وطن بلا تعذيب .. إتحمقت قوي عشان اللي عمله مالك و شادي وبتطالب بمحاكمتهم ووقفهم؟؟ يلا يامنفصم الشخصية يامنعدم الإنسانية منك له".


وواصل: "أنت بتقدس الدولة لدرجة إنك مش قابل إهانة في ضحك ( ولو سخيف ) عليها .. لكن عادي لو الدولة قتلت أو حبست أي مواطن أنت تمام .. اللي حصل من مالك وشادي نتيجة طبيعية لعدم وجود قنوات شرعية للتعبير عن الرأي والإحساس بالقهر والظلم".

 

واستطرد: "ونظرًا لأنهم متعلمين أو فنانين فكان التعبير بهزار سخيف .. المشكلة بقى يا حلو منك له في اللي ممكن يوصل بيهم القهر والظلم لمرحلة أخطر من الهزار .. من الإسلاميين اللي بيتظلموا وغيرهم .. من هنا بييجي الإرهاب .. أحمد مالك أعتذر و وضح ندمه على الفيديو .. عقبال الشرطة لما تعتذر و تبين ندمها على القتل والسحل والإعتقال .. في مصر شادي ومالك هزروا هزار سخيف عشان يجيبوا حقهم .. في دول تانية الشباب اللي في سنهم بيمسكوا سلاح وينزلوا يجيبوا حقهم اللي ماجاش .. أيوة .. هي سوريا والعراق اللي إنت قارفنا بيهم".


وأردف: "ودي بالمناسبة صورة شادي وهو مضروب بالخرطوش ومتعذب ومتبهدل .. عاوزك تتحمق قوي من الهزار وتسكت على صورة زي دي .. يا مريض".



وقام شادي حسين مراسل برنامج أبلة فاهيتا بتصوير فيديو بصحبة الممثل الشاب أحمد مالك، تداوله رواد "فيس بوك"، يقومان فيه بتقديم "واقي ذكري" على هيئة بالون إلى أمناء الشرطة في ميدان التحرير، أمس الإثنين، خلال الاحتفالات بالذكرى الخامسة لثورة 25 يناير والتي تتزامن مع عيد الشرطة.

اقرأ أيضًا:

  • تعليقات فيسبوك
  • اعلان