رئيس التحرير: عادل صبري 05:19 صباحاً | الاثنين 17 ديسمبر 2018 م | 08 ربيع الثاني 1440 هـ | الـقـاهـره 22° غائم جزئياً غائم جزئياً

تامر أبو عرب: "تأميم السياسة" سبب واقعة تهنئة الداخلية بواقي ذكري

تامر أبو عرب: تأميم السياسة سبب واقعة تهنئة الداخلية بواقي ذكري

سوشيال ميديا

تامر أبوعرب

تامر أبو عرب: "تأميم السياسة" سبب واقعة تهنئة الداخلية بواقي ذكري

26 يناير 2016 13:19

دافع الكاتب الصحفي تامر أبو عرب عن شادي حسين وأحمد مالك صاحبا فيديو تهنئة الداخلية بواقي ذكري.


وكتب أبو عرب تدوينة عبر حسابه الشخصي بموقع التواصل الاجتماعي "فيس بوك قال فيها:


شادي أبو زيد.. ممثل كوميدي صاعد بسرعة الصاروخ، فيديوهاته وتقاريره في برنامج أبلة فاهيتا بتعمل ملايين المشاهدات وبتعدي مشاهدات البرنامج نفسه، والناس كلها توقعت له مستقبل كبير بسبب روحه الحلوة وأفكاره المختلفة

أحمد مالك.. ممثل شاب نجح قبل ما يكمل 20 سنة يكون له رصيد محترم في السينما ويشارك نجوم كبار البطولة، وناس كتير منتظرة له مستقبل كبير ومتوقعين يكون واحد من أهم نجوم السينما في السنين اللي جاية

شادي وأحمد بكرة بتاعهم

لكنهم امبارح عملوا فيديو قلب الدنيا وخلى الناس تخاف عليهم وبدل ما تدعي لهم بالشهرة والنجومية دلوقتي بيدعوا لهم بالستر، وبصرف النظر عن مضمون الفيديو ورأيك فيه لازم تسأل هم عملوا كدة ليه؟

ليه عملوا حاجة ممكن تهدد مستقبلهم وتخليهم ميشتغلوش تاني وممكن كمان يتحبسوا؟

الإجابة سهلة جدا

تأميم السياسة. قفل المجال العام. مصادرة كل أدوات التعبير عن الرأي. قتل الأمل في التغيير. تأسيس وإعلان وسيادة دولة الخوف

لو كان مسموح بالتظاهر السلمي كانوا اتظاهروا. لو ينفع يشيلوا يافطة في الشارع كانوا شالوا. لو التليفزيون بيسمح لحد معارض بالظهور كانوا ظهروا واتكلموا وناقشوا. لكن المجال مفتوح بس للي بيشيلوا بلالين وياخدوا الضباط بالحضن، فعملوا كدة.. بس بطريقتهم.

فقبل ما تسنوا السكاكين وتدبحوهم حاسبوا نفسكم واعرفوا إن قفل كل الأبواب والشبابيك مش في مصلحة حد ولا في مصلحة البلد، واللي خلى شابين زي الورد مستقبلهم مستنيهم يخاطروا ويشيلوا "كاندوم"، هيخلي غيرهم بكرة يفقد الأمل ويخاطر ويشيل قنبلة.

زمن الخوف خلص والشباب دول اللي كان عندهم 15 سنة والثورة بتقوم فيه غيرهم آلاف مستعدين يخاطروا بمستقبلهم وأمانهم وسلامتهم علشان يعبروا عن رأيهم.

اسمح لهم يعبروا عن رأيهم بمزاجك لأنهم هيعملوا ده حتى لو غصب عنك وحتى لو هيضرهم

اعقل علشان يبقى لك عين تطالب غيرك بالعقل

وفر المجهود اللي هتبذله للتفكير في طريقة تدبحهم بيها وفكر إزاي تنهي الوضع البائس ده

افهم قبل ما يبقى مستقبل البلد أسود من حاضرها



وقام شادي حسين مراسل برنامج أبلة فاهيتا بتصوير فيديو بصحبة الممثل الشاب أحمد مالك، يقومان فيه بتقديم "واقي ذكري" على هيئة بالون إلى أمناء الشرطة في ميدان التحرير، أمس الإثنين، خلال الاحتفالات بالذكرى الخامسة لثورة 25 يناير والتي تتزامن مع عيد الشرطة.

اقرأ ايضًا:

  • تعليقات فيسبوك
  • اعلان