رئيس التحرير: عادل صبري 11:17 صباحاً | الأحد 16 ديسمبر 2018 م | 07 ربيع الثاني 1440 هـ | الـقـاهـره 22° غائم جزئياً غائم جزئياً

أول تعليق ﻹسراء الطويل: "أنا مش بطلة ومليش في السياسة"

أول تعليق ﻹسراء الطويل: أنا مش بطلة ومليش في السياسة

سوشيال ميديا

إسراء الطويل

أول تعليق ﻹسراء الطويل: "أنا مش بطلة ومليش في السياسة"

عبد الغنى دياب 22 يناير 2016 19:37

كتبت الناشطة إسراء الطويل منشور على صفحتها بموقع التواصل الاجتماعي "فيس بوك"، هو الأول لها عقب إخلاء سبيلها، بعد انقطاع دام لعدة شهور قضتها إسراء في السجن.


وقالت إسراء في منشورها التي سردت فيه تفاصيل ما حدث معها: "أولا : أنا بشكر كل المتضامنين معايا من منظمات حقوقية و أفراد في كل مكان بالدعاء أو بحرف أو كلمة أو مقال أو فعل ، شكرا جدا فعلا و ممتنة ليكم حقيقي . تم إخلاء سبيلي على ذمة القضية بتدابير احترازية (إقامة جبرية ومبقدرش أخرج من البيت غير بإذن الشرطة و يوم في الأسبوع بروح فيه القسم للمراقبة) يوم 19 ديسمبر 2015 بعد 15 يوم اختفاء قسري و 188 يوم حبس احتياطي".

 

وأضافت: ”أول امبارح 20/1/2016 كانت جلسة التجديد في قضيتي وتم تخفيف التدابير الاحترازية للمرور على القسم يوم واحد في الأسبوع لمدة 45 يوم حتى الجلسة الجاية، بحاول استعيد صحتي في الوقت الحالي و أعوض الـ7 شهور اللي اتمنعت فيهم عن علاجي".


وتابعت: ”ثانيا : أنا مش بطلة ولا أي حاجة، أنا اتقبض عليا وانا خارجه من تشيليز نايل سيتي كنت بتعشى مع عمر وصهيب ، واللي قبض علينا كلم حد في التليفون قاللوا" يا باشا فيه اتنين معاه كمان واحد اسمه عمر محمد علي وواحدة اسمها إسراء محفوظ اجيبهم معايا؟"وسألني انتي اخت أسماء محفوظ؟! ومن وقت اصابتي في 25 يناير 2014 و أنا مليش أي علاقة فعلا بمظاهرات ولا أي حاجة بتحصل في مصر عشان أقدر اركز على علاجي لأنني كنت مشلولة تماما في أول اصابتي ولمدة 6 شهور لما بدأت أقدر اقف على رجلي ، فيه ناس في السجن بقالهم سنين ممكن يكونوا هم الأبطال فعلا".

 

وأوضحت أنها: "ليست ناشطة سياسية، حد سمع عن أي آراء سياسية قبل كدا ليا ولا شافني في أي إعلام قبل ما يتقبض عليا ؟ . و أنا مش إخوان ولا عمري كنت إخوان قبل كدا و مليش أي علاقة لا بـ"نساء ضد الإنقلاب" ولا بـ"شباب ضد الإنقلاب" هي دي الحقيقة ! مش عشان ليا أصدقاء منهم يبقى أنا إخوان ! . و أنا مش 6 إبريل ولا عمري انضميت ليهم بردو ومش عشان ليا أصدقاء منهم يبقى أنا 6 إبريل”.


وأكملت: "أنا جيت مصر في آخر 2010 وحبيت التصوير وحاولت اتعلم تصوير صحفي فأتعرفت على ناس كتير وبقى ليا أصدقاء كتير لكنني دايما مستقلة برأيي وما بحبش أكون محسوبة على أي جهة ولا عمري انضميت لأي حزب .أنا إسراء وبس . و أنا مش إرهابية ، التهم اللي وجهتهالي نيابة أمن الدولة وحبستني عليها احتياطي هي (الانضمام لجماعة إرهابية ونشر أخبار كاذبة ) و أنا لا انضميت للجماعة ولا نشرت أخبار كاذبة ! مليش علاقة بالقصص اللي بتتقال في الإعلام".


وختمت منشوؤرها قائلة:"ثالثا : أتمنى قريب كل المظلومين في السجن يخرجوا ويكون فيه عدل ، السجن وحش جدا وبيقتل الحياة ، السجن مش حرية ولا حاجة من الشعارات اللي بتتقال دي كلها ، السجن ذل وقهر ورعب في الحقيقة أتمنى إن أي مظلوم ميباتش ليلة واحدة في السجن" .

 

اقرأ أيضًا:

  • تعليقات فيسبوك
  • اعلان