رئيس التحرير: عادل صبري 06:44 صباحاً | الأربعاء 26 سبتمبر 2018 م | 15 محرم 1440 هـ | الـقـاهـره 34° صافية صافية

14 مشهدًا بالسينما غير موجودة في الواقع

14 مشهدًا بالسينما غير موجودة في الواقع

سوشيال ميديا

تصوير سينما

14 مشهدًا بالسينما غير موجودة في الواقع

غادة بريك 11 يناير 2016 09:34

تداول رواد موقع التواصل الاجتماعي "فيس بوك"، مجموعة من أشهر المشاهد في السينما المصرية غير موجودة بالواقع.


مشاهد متكررة نراها في معظم أفلام السينما، إلا أنها بعيدة عن تفاصيل الحياة اليومية، لتهدم الأسطورة التي تقول أن السينما هي مرآة للواقع.

 

مشاهد في السينما مبتحصلش في الواقع، ورغم ذلك فالمخرجون يصرون عليها:


-  المعلم أو رجل الأعمال يجيب عيل معارض له ويقول لرجالته وضبوه.. فينهالوا عليه ضربًا.


-  الست تقعد تدعك في رجل جوزها في طبق كبير فيه مية دافية.


-  رقاصة في قهوة بلدي والكل قاعد يتفرج ويسقف باحترامه. (دول بيتحرشوا بشاشة التلفزيون لو فيديو كليب شغال).


-  مطاردة بالسيارات في شوارع مصر بين مجموعة من المجرمين. أو بين الشرطة ومجموعة من المجرمين. (الدنيا زحمة وبنمشي كل خمسة متر بالعافية).


-  كل مشاهد أحمد السقا اللي بيثبت فيها حبه ليها لما بينط في الشلال. (هتاخد برد بعدها وتفضل تبلبع أنتي بيوتك وهيبقى شكلك وحش).


-  كل مشاهد نور الشريف أنه يشيل حبيبته وهي تخبط على صدره وتقوله يا مجنون.


-  ضابط الشرطة المشغول بمجرم بعينه أو جريمة بعينها، طول الوقت بيفكر فيها، وبيكرس حياته عشانها.. (ضابط الشرطة بيفكر في قسط المدارس بتاع العيال، وانه يغير عربيته)


-  الستات في الحقيقة شعرها مش كدة.. الستات في الحقيقة أصلًا مش كدة.


-  الصيادين في مصر مش بيغنوا وهما بيصطادوا. ولا هما بشوشين وبيضحكوا طول الوقت. ولا بيلبسوا الملابس اللي حجرها واسع. عشان هما بيصطادوا بالأندر ويرز، او بالكالسون، او بيقلعوا ملط حضرتك.


-  الأغنياء في مصر مش بيمشوا في الشارع بعربيات كابروليه "مكشوفة" عشان اللي بيركب عربية مكشوفة غالبًا بيكون ميكانيكي وشاري عربية أمريكاني قديمة بـ7 آلاف جنيه وبنقعد نتريق عليه.


-  الأحياء الشعبية مفيهاش ستات بتلبس جلابية ستان مجسمة وفيها فتحة لحد منتصف الساق وتمشي تتقصع في الشارع.. عشان الستات هناك بتلبس جلابية سودة تساعدها تشيل أنبوبة بوتاجاز على رأسها، أو تقف في طابور العيش، أو تعرف تقعد على الارض وهي بتنقي البسلة.


-  الملابس في الحقيقة مش بالأناقة دي.. والبيوت في الحقيقة مش بالديكورات دي.. والفقراء في مصر مش ماشيين شايلين سنج وخرطوش.


- مفيش واحد بيقف ورا ضهر واحد ويوشوشه في ودنه. ولا اثنين بيدوا ضهرهم لبعض ويتكلموا. اللي هيعمل كدا هتفتكره عبيط، أو مثلي.


- الشاي مش بيتشرب أول ما الصينية تتحط لأنه بيكون سخن. لكن في المشهد بيكونوا عايدينه عشر مرات فالشاي بيكون برد وبشكل تلقائي الممثل بيشرب.



اقرأ أيضًا:

  • تعليقات فيسبوك
  • اعلان