رئيس التحرير: عادل صبري 05:02 مساءً | السبت 17 نوفمبر 2018 م | 08 ربيع الأول 1440 هـ | الـقـاهـره 26° صافية صافية

حجاجوفيتش: أطفال ألمانيا يذهبون إلى أقسام الشرطة في رحلات مدرسية

حجاجوفيتش: أطفال ألمانيا يذهبون إلى أقسام الشرطة في رحلات مدرسية

سوشيال ميديا

أحمد حجاجوفيتش

حجاجوفيتش: أطفال ألمانيا يذهبون إلى أقسام الشرطة في رحلات مدرسية

غادة بريك 04 يناير 2016 09:59

ألمانيا تختار أماكن غير متوقعة لتكون وجهة لرحلات مدارس الأطفال، هذا ماأوضحه الرحالة المصري أحمد حجاجوفيتش أثناء رحلته إلى ألمانيا، من خلال منشور عبر صفحته الرسمية بموقع التواصل الاجتماعي "فيس بوك".

الحكومة الألمانية بتعمل رحلات المدارس لأقسام الشرطة في ألمانيا ... عشان تعلم الأطفال الألمان من صغرهم إزاي يعاملوا الناس في الشارع و في كل مكان بنفس إحترام و أخلاق الشرط.


الغريب إن الأطفال بيروحوا أقسام الشرطة و ياخدوا جولة جواها في غرف الحبس و التحقيق وكل حتة في القسم و يقضوا اليوم كامل مع الضباط والعساكر و بيشوفوا قد إيه الإحترام في التعامل ما بين الشرطة والشعب وحتى المجرمين وكمان بيطلعوا مهمات في عربيات الشرطة عشان يظبطوا المرور وكل الأطفال بتعشق اليوم ده و بتستنى يوم الرحلة دي بفارغ الصبر !.


الأغرب من ده إن في نهاية اليوم كل الأطفال بيكونوا عايزين يدوا رجال الشرطة هدية، مبيلاقوش هدية أحلى من إنهم يرسموا رسمة جميلة من قلبهم تبين قذ إيه بيحبوا شرطة بلدهم و بيدوها هدية للقسم .


و طبعاً الضباط في كل الأقسام بياخدوا الرسومات دي من الأطفال و يعملولها براويز و يعلقوها على حيطان القسم عشان تخلي القسم كله بهجة و سعادة .


إيه رأيكم نطبق الموضوع ده عندنا في مصر ؟


ملحوظة : الصورة لحجاجوفيتش و مأمور أكبر قسم شرطة في برلين - ألمانيا في حجرة المأمور و كلها مليانة لوحات من الأطفال.




اقرأ أيضًا:

  • تعليقات فيسبوك
  • اعلان