رئيس التحرير: عادل صبري 12:13 صباحاً | الأربعاء 14 نوفمبر 2018 م | 05 ربيع الأول 1440 هـ | الـقـاهـره 26° صافية صافية

كيف تحتفل برأس السنة مرتين في نفس العام؟

كيف تحتفل برأس السنة مرتين في نفس العام؟

سوشيال ميديا

صورة أرشيفية

كيف تحتفل برأس السنة مرتين في نفس العام؟

غادة بريك 01 يناير 2016 01:48

بالرغم من غرابة الفكرة إلا أنه لايوجد مستحيل في هذا العالم، فحتى الأيام التي كنا نظنها تذهب ولاتعود مرة أخرى، أثبتت التجربة أننا يمكن أن نعيش نفس اليوم مرتين.


هذا ماأوضحه الرحالة المصري أحمد حجاجوفيتش، عبر صفحته الرسمية بموقع التواصل الاجتماعي "فيس بوك".


من خلال منشور حكى فيه عن تجربته في الاحتفال بالعام الجديد مرتين في نفس اليوم على جزيرة "تونجا".
 

كل الناس بتحتفل النهاردة في جميع أنحاء العالم برأس السنة الجديدة و تقريباً معظم الناس اللي عاشت علي مر التاريخ اكتفت انها كل سنة تحتفل بالسنة الجديدة مرة واحدة بس و خلاص علي كدة ... لأن الساعة ١٢ ليوم ١ يناير بتيجي مرة واحدة في كل دولة .

و لكن محدش فيكم "فكر برة الصندوق" و كان حلم من أحلام حياته إنه يسافر يحتفل برأسين سنة في نفس اليوم و كمان في نفس الدولة ... محدش فيكم حلمه إنه يسافر مع صاحبته أو مراته أو أهله أو صحابه و يشوفوا حدث جديد "الناس اللي شافوه في الدنيا يتعدوا علي الصوابع" في جزيرة خيالية الجمال؟

عشان أي واحد فيكم يقدر يعمل كدة ، لازم يسافر لمملكة جُزُر تونجا (أبعد دولة في العالم عن مصر) وأول دولة بتشرق عليها الشمس في الكرة الأرضية وأول دولة في العالم بتحتفل برأس السنة الجديدة.


تونجا هي الدولة الوحيدة في العالم اللي بتحتفل مرتين برأس السنة في نفس اليوم بس فرق ٢٤ ساعة ما بين كل واحدة و التانية ... لأن "الإنترناشيونال ديت لاين" بيعدي في وسط جزر ‫#‏تونجا في جنوب المحيط الهادي ، يعني نص الدولة في أقصي شرق العالم (توقيت +١٢) و نص الدولة في أقصي غرب العالم (توقيت -١٢).


حجاجوفيتش كان اول مصري في التاريخ يسافر تونجا و يحتفل برأسين سنة في نفس اليوم ... الساعة ١٢ بالليل يوم ٣١ ديسمبر في الجزر اللي في الجزء الشرقي لتونجا ... كل الناس بتحتفل بالسنة الجديدة ١ يناير جاه و الناس مبسوطة و مهيصة و بعدين لما كل حاجة خلصت علي الساعة ٢ بالليل ، حجاجوفيتش راح الجزر اللي في الجزء الغربي "في نفس الدولة الصغيرة" لقي نفسه لسة يوم ٣١ ديسمبر تاني و لسة فاضل حوالي ١٦ ساعة عشان السنة الجديدة تيجي !.


شعور جامد جداً انك ترجع بالزمن لورا بجد وإنك تعمل حاجة غريبة و جديدة، مهما حاولت تشرحها للناس و لصحابك مش حيستوعبوها !

وعلى فكرة تونجا من أحلى جزر جنوب المحيط الهادي وأهلها ضخمين جداً و لكن طيبين أوي وأجمد حاجة في الموضوع إن الفيزا بتاعة تونجا سهلة جداً للمصريين.




شاهد الفيديو..


اقرأ أيضًا:

  • تعليقات فيسبوك
  • اعلان