رئيس التحرير: عادل صبري 12:03 صباحاً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

وائل غنيم: الإقصاء والحنجورية وفقدان القيادة أبرز أخطاء الماضي

وائل غنيم: الإقصاء والحنجورية وفقدان القيادة أبرز أخطاء الماضي

سوشيال ميديا

وائل غنيم

وائل غنيم: الإقصاء والحنجورية وفقدان القيادة أبرز أخطاء الماضي

محمد درويش 10 ديسمبر 2015 12:07

ذكر الناشط السياسي وائل غنيم مجموعة من الأخطاء، التي اتسمت بها مرحلة ما بعد ثورة 25 يناير، من وجهة نظره. 


أولًا: التعامل مع واقع مزيف

عدم قدرتنا على فهم الواقع زي ما هو من غير تهويل ولا تجاهل. وده كان بسبب الافراط في التفاؤل أو التشاؤم وعدم القدرة على التفريق بين الحقائق والأكاذيب، وضعف الخبرة السياسية. والمزعج إننا بنضحك على نظريات المؤامرة اللي بيقولها الآخرين وبنعتبرهم ساذجين، بينما بنصدق نظريات مؤامرة على نفس القدر من السذاجة.

 

ثانيًا: فقدان الرؤية
محدش بعد 11 فبراير 2011 كان عنده رؤية أو تصور لشكل الدولة، كل تيار كان عنده تصور لدولة الـ "مش"، يعني الإسلاميين عايزين دولة "مش" علمانية، والعلمانيين عايزين دولة "مش" دينية، والثوار على اختلاف توجهاتهم عايزين دولة "مش" ديكتاتورية عسكرية . طيب هل هنقدر نوصل لتصور يبقى مقبول من الجميع؟ وهل فيه رؤية لإزاي ننتقل من الوضع الحالي للوضع المأمول؟ مكانش فيه إجابات.

 

ثالثًا: فقدان القيادة
وأقصد هنا المعنى الحقيقي للقيادة. شخصيات ذكية وقادرة على تنفيذ رؤية واضحة وقادرة على التعامل بحنكة سياسية مع كل المتغيرات اللي حواليها، وقادرة على صنع توافق يصنع دولة مستقرة يبقى فيها آليات واضحة للخلاف على التفاصيل.


رابعًا: الحنجورية
المشي ورا اللي أعلى صوتا حتى لو معندوش أي تصور ولا رؤية. صوت عالي ومزايدة على أي حد بيطرح حلول. لأن الحل غالبا هيتطلب تنازلات.


خامسًا: الازدواجية
تقييم الأخطاء أو القرارات بناء على مين اللي بيعملها مش بناء على تبعاتها ونتائجها. واعتبار ممارسات بعينها جرائم طالما بيقوم بيها الطرف الآخر، بس قبولها وتفهمها طالما احنا اللي بنقوم بيها.


سادسًا: الإقصاء
جزء كبير من الثورة على نظام مبارك كان بسبب إنه نظام انفرد بالسلطة وافتكر إن رؤيته هي الوحيدة الصالحة لقيادة البلد. بس من بعد الثورة والاقصاء ممارسة جماعية.

 

واختتم وائل غنيم رؤيته بسؤال: "كام خطأ من الأخطاء دي اتصلح، أو في طريقه إنه يتصلح بعد مرور خمس سنين على ثورة يناير؟".

 

اقرأ أيضًا:

  • تعليقات فيسبوك
  • اعلان