رئيس التحرير: عادل صبري 05:38 مساءً | الجمعة 17 أغسطس 2018 م | 05 ذو الحجة 1439 هـ | الـقـاهـره 37° صافية صافية

والد إسراء الطويل: موتوها أحسن

والد إسراء الطويل: موتوها أحسن

سوشيال ميديا

إسراء الطويل

والد إسراء الطويل: موتوها أحسن

غادة بريك 08 ديسمبر 2015 18:33

انتقد محفوظ الطويل والد المصورة إسراء الطويل التعامل مع ابنته داخل السجن ومنعها من العلاج حيث تعاني من إصابة في العمود الفقري.


وجاء في منشور عبر حسابه الشخصي بموقع التواصل الاجتماعي "فيس بوك" تروي فيه شقيتها آلاء الطويل، رحلة معاناتها في محاولة علاج إسراء التي قضت في السجن مايزيد عن 6 أشهر.
 

‫"سيادة اللواء أبو بكر عبد الكريم  مساعد وزير الداخلية ، لن أتصل على موبايل سعادتك عشان سعادتك بعد أن أنكرت إخفاء ‏إسراء الطويلعلى الهواء مع جابر القرموطي  لم ترد على تليفوني أكثر من مرة و ظهرت إسراء الطويل في السجن بعد إخفائها من يوم 1 يونيو حتى 17 يونيو، الأستاذة لميس الحديدي اللي استضافت سيادة اللواء عشان يتكلم عن إسراء، قنوات التليفزيون التي لاتملك إلا التشنيع والاتهام بالباطل ولا تجرؤ على نشر الحقيقة، هل يجرؤ أحد منكم أن ينشر هذا الكلام؟".
 

وأضافت: "النهاردة إسراء بتتم 190 يوم سجن، من غير علاج، من أول عرض نيابة اللي كان بتاريخ 16 يونيو المحامين قدموا طلبات علاج، كل جلسة من ال10 جلسات بتوع النيابة كان بيتقدم طلبات علاج، غير الطلبات الي بنقدمها كل شوية للنائب العام. ومفيش استجابة غير مرتين ودوها لدكتور السجن الي كشف عليها بالنظر وقالها انتي عندك عاهة مستديمة ملهاش علاج!".
 

وتابعت: "لحد مالجأنا لنقابة الاطباء بشكوى فردت بطلب للنائب العام ولوزارة الداخلية، ساعتها السجن كان رده ان التقارير الطبية وتقارير الاشعة الي بنقدمهم من نص سنة قديمين، وان اسراء هتتنقل للقصر العيني تعمل اشعة جديدة وعلى ما دا يحصل ودوها مستشفى السجن، اسراء دخلت جلسة لدكتور في مستشفى السجن اللي حرقلها رجلها لانه مش عارف يستخدم جهاز الكهربا، وقالها لو نفسك في افراج صحي مش هتاخديه طول مانا موجود. إسراء رفضت تروحله تاني واشتكته في النيابة".

وواصلت: "بعدها إسراء اتنقلت مرتين للقصر العيني مرة عملت أشعة ومرة راحت لدكتور المخ والأعصاب، دكتور المخ والأعصاب كتب تقرير مطابق للتقارير اللي بنقدمها من زمان، وكتب توصية بعلاج طبيعي وعلاج دوائي. الكلام ده من يوم 28 أكتوبر. لحد النهاردة إسراء لا أخدت الـ5 أدوية اللي اتكتبتلها ولا جلسات علاج طبيعي.. وحالتها بتسوء وألم مستمر في رجليها وبتشتكي في الزيارات دايمًا.. المهم أن مساعد وزير الداخلية طلع في التلفزيون قال إسراء بتتعالج ووديناها القصر العيني مرتين!".

واستطردت: "لما رحت للمأمور أطلب منه التقرير الي اتكتب في القصر العيني قالي دي أسرار سجن. قولتله طب مش دكتور القصر العيني كاتبلها توصية بجلسات علاج طبيعي وعلاج دوائي؟ قالي لو عايزالها علاج في القصر العيني روحي قدمي طلب في مصلحة السجون إحنا معندناش إلا الدكتور الي حرقها . فأنا رحت النهاردة أقدم طلب علاج في مصلحة السجون، قالي تعالي بعد 20 يوم شوفي الرد عالطلب! ما تموتوها احسن! (آلاء الطويل ).


وتحاكم الطويل بتهمة الانضمام إلى جماعة ونشر أخبار كاذبة.

اقرأ أيضًا:

  • تعليقات فيسبوك
  • اعلان