رئيس التحرير: عادل صبري 05:11 مساءً | الأربعاء 23 مايو 2018 م | 08 رمضان 1439 هـ | الـقـاهـره 32° صافية صافية

حجاجوفيتش: 10 أسباب تمنعك من السفر لأوروبا الشرقية

حجاجوفيتش: 10 أسباب تمنعك من السفر لأوروبا الشرقية

سوشيال ميديا

أحمد حجاجوفيتش

حجاجوفيتش: 10 أسباب تمنعك من السفر لأوروبا الشرقية

غادة بريك 07 ديسمبر 2015 21:56

ذكرت الصفحة الرسمية للرحالة المصري أحمد حجاجتوفيتش 10 أسباب للتفكير قبل السفر لدول أوروبا الشرقية.


وجاء في منشور الصفحة على موقع التواصل الاجتماعي "فيس بوك":
 

تحذير هام لكل الناس "المصريين و العرب" إللي مسافرة دلوقتي أو حتسافر أو بتفكر تسافر للبلاد دي (المجر - سلوفاكيا - صربيا - رومانيا) و خاصة ‫المجر.
 

حاولوا تتجنبوا تماماً السفر للدول دي عشان حاجات كتير أوي من أهمها:
 

١- البلاد دي إسمها "بلاد غجر أوروبا" يعني الأفقر والأخطر والأكتر إجراماً في كل القارة الأوروبية.


٢- بيحصل بمعدل يومي مئات السرقات بالغاز المخدر شديد المفعول ملوش أي ريحة أو لون "يتم رشه عن طريق أنبوبة صغيرة من تحت الباب او من أي فتحة في القطارات و بيوت الشباب والهوستل وبعض الفنادق، وبيتم سرقة كل حاجة معاكم ده لو حظكم حلو. "الموضوع ده منتشر بطريقة رهيبة في بلاد أوروبا الشرقية" و لسة جديد على بقية دول العالم.


٣- لو حظكم وحِش حيتم سرقة أعضائكم البشرية أو أطفالكم وأنتم فاقدين الوعي تحت تأثير الغاز المخدر وفي ٩٩٪ من الحالات عمركم ما حتشوفوا أطفالكم تاني لأنهم بياخدوهم يشحتوا بيهم في بلاد تانية زي ألمانيا و إيطاليا وعمركم ماحتعرفوا مين سرق أعضائكم البشرية.


٤- الشرطة في البلاد دي "شدييييدة الفساد" وكل اللي حيعملوه ليكم لو رحتم قسم الشرطة عشان تعملوا بلاغ إنهم حيكتبولكم محضر وبعدين حيقوللكم بما معناه "بلوه و إشربوا ميته".


٥- في بعض الحالات الناس إللي بتتسرق منها كمبيوترات أو كاميرات أو حتي عربيات، بعد يومين ثلاثة بيلاقوا حاجاتهم معمولها إعلانات للبيع على الإنترنت ولو "إنت لسة في البلد أصلاً" و رحت للشرطة، مش حيعملولك أي حاجة وحيقولولك روح إشتريها منهم !.


٦- البلاد دي الناس فيها عنصريين جدااااااااا لدرجة لايمكن وصفها ضد العرب "مسلمين و مسيحيين"، أي حد شكله عربي حتى لو مكانش عربي من الأساس.


٧- أي حد مصري أو عربي حييجي الدول دي حيحس بالعنصرية الشديدة في كل مكان "كل الناس حتعاملك بإحتقار وإستفزاز شديد" زي ما الألمان كانوا بيعاملوا اليهود في بداية أيام هتلر، لدرجة إنك أول ما حتدخل سوبرماركت أو محل عشان تشتري حاجة حتلاقي فرد أو فردين أمن ماشيين وراك زي ضلك "كأنك حرامي محترف" و بعدين حيفتشوك لما تشتري الحاجة !.


٨- لو لا قدر الله نويت تركب مترو أو ترام أو أوتوبيس أو قطار ده يبقي من حظك التعيس لأن السواق حيبلغ الأمن أو الشرطة وحتلاقيهم طالعين "الحاجة اللي إنت راكبها و سايبين الناس كلها وجايينلك أنت و بيسألوك على التذكرة والباسبور بتاعك و حتى لو معاك، حينزلوك من المواصلات وحيبلطجوا عليك شوية وحيكون نفسهم أنك تتخانق معاهم عشان يخدوك على القسم و يعملوا عليك حفلة .


٩- لو إنتي محجبة "بلااااش أبداً" تيجي البلاد دي حتى والله لو ببلاش الرحلة، عشان أنتي حتكوني بجد عملتي غلطة عمرك وكل الناس في الشارع وحتى في الأماكن السياحية حتهاجمك وتقولك كلام مهين "كتير منكم لو فهمت معناه حتعيط  كتير أوي" و لسة الموضوع ده حصل قدام حجاجوفيتش في مترو الأنفاق في بودابست، شوية عيال شباب من المجر إتلموا على شابة مسلمة شكلها زي الملاك "من ألمانيا" لابسة الحجاب و مرديوش ينزلوها من المترو إلا لما تقلع الحجاب و لما رفضت، إبتدوا يبلطجوا عليها و يحاولوا يقلعوهولها بالقوة لغاية ماحجاجوفيتش و شابة ثانية من أمريكا في المترو راحوا يدافعوا عنها و يسحبوها من البلطجية. و الموضوع ده بيحصل بصفة يومية في القطارات في سلوفاكيا ورومانيا والمجر وصربيا وساعات التشيك.


١٠- أي حد حيضطر لأي سبب إنه يبدل فلوس بلاش تمامًا إنك تبدل من الصرافات "لأنهم في معظم الوقت حيدوك فلوس مضروبة" و دايماً روح بدلها من البنك، و لو حتستخدم كارت البنك بتاعك لسحب فلوس من ماكينة السحب خلي بالك إنهم دايماً بيكونوا حاطين قطعة بلاستيك إليكترونية صغيرة جداااا في فتحة الكارت عشان تقرا المعلومات بتاعة كارتك و عليه العوض و منه العوض في فلوسك اللي في الحساب لأنهم حيسرقوها كلها  frown emoticon.

يا ريت اللي بيفكر يسافر بلاد أوروبا الشرقية عشان أسعارها الرخيصة، يراجع نفسه و يسافر أي بلاد تانية.

وكان حجاجوفيتش قد أعلن عن سرقة حقائبه ومعداته أثناء توجهه من التشيك إلي المجر يوم الجمعة الماضي.

اقرأ أيضًا:

  • تعليقات فيسبوك
  • اعلان