رئيس التحرير: عادل صبري 11:51 مساءً | الخميس 24 مايو 2018 م | 09 رمضان 1439 هـ | الـقـاهـره 39° صافية صافية

بالفيديو.. سرقة كاميرات وحقائب "حجاجوفيتش" بالمجر

بالفيديو.. سرقة كاميرات وحقائب حجاجوفيتش بالمجر

سوشيال ميديا

أحمد حجاجوفيتش

بالفيديو.. سرقة كاميرات وحقائب "حجاجوفيتش" بالمجر

مصطفى المغربي 04 ديسمبر 2015 08:55

أعلن الرحالة المصري أحمد حجاجوفيتش عن سرقة حقائبه ومعداته أثناء توجهه من التشيك إلي المجر.

 

وجاء في تدوينة عبر صفحة حجاجو فيتش على موقع التواصل الاجتماعي "فيس بوك": "اللهم أجرني في مصيبتي واخلفني خيراً منها، الحمد لله علي كل شئ".

 

وتابع: "تمت سرقة جميع أغراض وكاميرات وحقائب ومعدات الرحالة المصري حجاجوفيتش خلال سفره ليلاً في قطار النوم من جمهورية التشيك إلي المجر (الدولة ١١٦ له حول العالم)”.

 

وتابع: "حجاجوفيتش راح عمل محضر سرقة في قسم شرطة بودابست وعملوله تحاليل وطلعت نتيجة التحاليل إنه تم بخ غاز مخدر ومنوم (شديد التأثير جداً) في الكابينة الخاصة اللي حجاجوفيتش كان قاعد فيها في قطار النوم".

 

وأضاف: "وبعدها بدقائق قليلة كان تأثير المخدر قوي أوي خلي حجاجوفيتش ينام نوم عميق وبعدين عصابة الحرامية فتحوا قفل الباب ودخلوا سرقوا كل حاجة وقفلوا باب الكابينة تاني واختفوا في لمح البصر".

 

وروى: "وبعدها بساعات لما القطار وصل آخر الخط في محطة "كالاتي" المجرية الساعة ٧ الصبح، الناس صحت حجاجوفيتش و كانت "مصيبة السرقة" في انتظاره".

 

وواصل: "الشرطة هناك بلغت حجاجوفيتش إن موضوع السرقة بالطريقة دي معروف جداً في "سلوفاكيا ورومانيا والتشيك والمجر وسلوفينيا والبوسنة وصربيا وأوكرانيا وبولندا" وإن عصابات متخصصة بتعمل كدة كتير بتنويم الناس اللي معاهم حاجات مهمة أو قيمة بالغاز المخدر ده من غير ما يحسوا و بعدين بيسرقوا كل حاجة منهم بالاتفاق مع "المسئول عن عربية القطار" لأنهم بيدوله حوالي ١٠٠ يورو (١٠٠٠ جنيه) في إيده عشان يسهلهم العملية وبيعملوا كدة كمان في الفنادق برضو ويسرقوا الناس وهما نايمين".

 

وذكر: "أغرب حاجة في الموضوع كله إن ‏حجاجوفيتش‬ كان عامل تأمين مع شركة التأمين الكبيرة "إليانز" في مصر وبعدين وهو في عز المصيبة بيكلمهم دولي في مصر عشان يعرف حيعوضوه عن تمن الكاميرات والحاجات المسروقة بكام ولكن الصدمة إن الشركة اللي "مفروض كبيرة ومحترمة" وبتاخد آلاف من كل واحد مسافر كتأمين عشان لو حصله أي مصيبة تبقي مأمناه، كل اللي قالتهوله إنها أكتر حاجة ممكن تدفعها له هي ٢٥٠٠ جنيه".

 

وأردف: "حجاجوفيتش بيحكي قصته دي لكل الشباب المصري والعربي عشان يحذر أي واحد فيهم مسافر للبلاد دية "شرق أوروبا" لازم يخلي باله جداً جداً جداً من موضوع الغاز المخدر المنوم اللي بيرشوه عشان يسرقوه".

 

واستطرد: "وبعدين عشان كمان كل الناس يخلوا بالهم كويس أوي أوي وهما بيختاروا شركات التأمين بتاعتهم وهما مسافرين ويتعاقدوا مع شركة تأمين حقيقية وبجد بتدفع تأمين محترم للناس لما بيحصلهم حاجة (مش بتلم فلوس بس وخلاص وبتديلك كلام كتير ومتعرفكش لما مصيبة تحصلك)”.

 

شاهد الفيديو.. 

 

اللهم أجرني في مصيبتي و أخلفني خيراً منها، الحمد لله علي كل شئ...تمت سرقة جميع أغراض و كاميرات و حقائب و معدات الرحالة ...

Posted by ‎Ahmed Haggagovic - أحمد حجاجوفيتش‎ on Thursday, December 3, 2015

 

اقرأ أيضًا:

  • تعليقات فيسبوك
  • اعلان