رئيس التحرير: عادل صبري 12:45 صباحاً | السبت 18 أغسطس 2018 م | 06 ذو الحجة 1439 هـ | الـقـاهـره 37° صافية صافية

عمرو سلامة: 10 أسباب تجعل سمير غانم "أجمد" واحد في التاريخ

عمرو سلامة: 10 أسباب تجعل سمير غانم أجمد واحد في التاريخ

سوشيال ميديا

الفنان سمير غانم

عمرو سلامة: 10 أسباب تجعل سمير غانم "أجمد" واحد في التاريخ

غادة بريك 01 ديسمبر 2015 18:58

أبدى المخرج عمرو سلامة إعجابه الشديد بموهبة الفنان سمير غانم، وقدرته على رسم الابتسامة على الوجوه من خلال ما يقدمه من أعمال فنية.


وكتب سلامة تدوينة عبر حسابه الشخصي بموقع التواصل الاجتماعي "فيس بوك" ذكر فيها 10 أسباب تجعل من الفنان سمير غانم من أهم الشخصيات الكوميدية في مصر، بحسب رأيه.
 

  1. لأن إستحالة يقول جملة من عشر كلمات وماتضحكش.
     
  2. لأنه حتى لو كان في فيلم دراما جاد كان بيهرج ومش واخد الموضوع جد.
     
  3. لأنه حتى لما مثل أفلام مقاولات خلى بعض أفلام المقاولات تاريخ نتذكره ويتحاكى به.
     
  4. لأنه أول فنان مصري يعمل ستاند أب كوميدي. (راجع عشر دقايق كاملة يتكلم فيها بمفرده في مسرحية أهلا يا دكتور عن رحلته لفرنسا).
     
  5. لأنه ضحكنا طول عمرنا وهو عنده شنب.
     
  6. لأنه خلى واحد من أفلامك المفضلة فيلم بيمثل فيه أسوأ من مثل على شاشة السينما على الإطلاق... إكرامي. (راجع فيلم يا رب ولد).
     
  7. لأنه خلف دنيا وإيمي.
     
  8. لأنه عمل فطوطة وكابتن ميزو.
     
  9. لأنه قبل ما يقفل التليفون مع صفاء قال "ماعلش يا حبيبتي علشان في حاجة غريبة دخلت". (راجع يا رب ولد برضه)، لإنه لما غني موال قال "العريس متين والعروسة متينة"!!! لإنه حتى كان بيهرج بلبسه، وكان بيلبس اللي هو عايزه حتى لو مش لايق على الدور والمكان والزمان.. وماتكسفش يلبس لبس ست عندها بدل صدرها صواريخ.
     
  10. لأن أهم مدرسة فلسفية في التاريخ هي فلسفة "سمير غانم"، وتتلخص في "أخرج عن النص" النص اللي الحياة بتحطهولنا، وتبنى فكرة "هرج حتى لو مش وقت التهريج"، ماخدش حاجة جد، وكإنه بيقول بقصة حياته "لو هرجت أو خدت الدنيا جد في الآخر مش هاتفرق".

 

سمير غانم مش بس ممثل كوميدي، سمير غانم ظاهرة كونية لن تتكر، وسيقف علماء التطور أمام موهبته، وأعتقد إن بعد سمير غانم البشرية هاتبدأ كجنس بشري في التراجع ثاني.

 

لو عايزين نقدر الراجل ده ونديله حقه، أحسن حاجة نتبنى فلسفته، ومانخدش حاجة جد. والأهم.. نخرج عن النص. أي نص.





اقرأ أيضًا:

  • تعليقات فيسبوك
  • اعلان