رئيس التحرير: عادل صبري 07:33 صباحاً | الاثنين 28 مايو 2018 م | 13 رمضان 1439 هـ | الـقـاهـره 39° صافية صافية

تعرف على قصة والد أحمد حلمي في فيلم "ألف مبروك"

تعرف على قصة والد أحمد حلمي في فيلم ألف مبروك

سوشيال ميديا

مشهد من فيلم ألف مبروك

تعرف على قصة والد أحمد حلمي في فيلم "ألف مبروك"

غادة بريك 01 ديسمبر 2015 18:30

تداول رواد موقع التواصل الاجتماعي "فيس بوك" منشور عن الممثل محمود الفيشاوي الذي لعب دور والد الفنان أحمد حلمي في فيلم "ألف مبروك".



تناول المنشور قصة حياته وحلمه بالتمثيل، بالتزامن مع اقتراب ذكرى وفاته حيث توفي الفيشاوي في 18 يناير 2010. 


"حد عارف قصة الراجل اللي طلع أبو أحمد حلمي في فيلم ألف مبروك؟

الراجل ده اسمه محمود الفيشاوي

الراجل ده كان أول مرة يمثل في حياته وتم ترشيحه عن طريق مؤلف الفيلم لأن السيناريست محمد دياب كان صاحب ابن محمود الفيشاوي.


الراجل ده لما راح يقابل أحمد حلمي في مكتبه وحلمي اتكلم معاه كان بيقول لأحمد حلمي أنا أول مرة أمثل، بس عارف أنا عندي كام سنة أنا عندي 60 سنة بس من وأنا عندي 10 سنين وأنا نفسي أمثل وأبويا الله يرحمه كان رافض وبشدة، وخوفًا على زعله مرضتش أحاول إني أمثل بس كان على طول يراودني حلم التمثيل، واشتغلت في مصلحة حكومية  وأنا دلوقتي وكيل وزارة في الكهرباء، بس طول أيام عمري مانستش حلمي في التمثيل وأخيرًا ربنا حققلي حلمي، فأحمد حلمي قاله إن شاء الله الدور يكون من نصيبك ولو كده أنت هتعمل دور والدي في الفيلم، رد أستاذ محمود وقاله لو الدور طلع من نصيبي أنا مش همثل، فأستغرب أحمد حلمي، كمل الراجل كلامه وقاله: أنا هاأعاملك على إنك ابني هقولك يا أحمد مش يا أستاذ.


وعلي لسان أحمد حلمي في كتابه بيقول إنه فعلًا ماكنش بيمثل كان بيتعامل إنه أبو أحمد حلمي بجد، حتى في كواليس وقد إيه هو أضاف للدور، كان آخر كلام محمود الفيشاوي مع أحمد حلمي قاله أنت عارف يا أحمد أنا لو عملت الفيلم ده وبعد كده موت مش هيفرق معايا وهموت وأنا فرحان لأني حققت حلمي حتى لو حلمي ده قعد معايا 50 سنة بس أنا في الاخر وصلتله.


الجدير بالذكر إن تم عرض الفيلم في آخر سنة 2009 وتوفي الأستاذ محمود الفيشاوي 18/1/2010 مات بذبحه صدرية.

بس مات أكيد وهو فرحان إنه وصل لحلمه حقيقي الراجل ده أبدع في الدور وحقيقي قصته عظيمه جدًأ،

يمكن ناس كتير هتقول أصل ده تمثيل أصل مش عارف إيه، بس هو في الأول والآخر بالنسبة له كان حلم.

أرفض اليأس وأرفض الاستسلام يا تموت وأنت بتحاول يا تعيش وأنت محقق حلمك

‫#‏محمود_الفيشاوي_الله_يرحمك

ممثل مصري مواليد 16 مارس 1950....توفي 18 يناير 2010

الراجل ده يمثلني

اليأس خيانة".




اقرأ أيضًا:

  • تعليقات فيسبوك
  • اعلان