رئيس التحرير: عادل صبري 08:53 صباحاً | الثلاثاء 11 ديسمبر 2018 م | 02 ربيع الثاني 1440 هـ | الـقـاهـره 22° غائم جزئياً غائم جزئياً

أستاذ جامعي يروي تفاصيل رفض مشاركته في مؤتمر دولي باسم مصر

أستاذ جامعي يروي تفاصيل رفض مشاركته في مؤتمر دولي باسم مصر

سوشيال ميديا

محمد هلالي

أستاذ جامعي يروي تفاصيل رفض مشاركته في مؤتمر دولي باسم مصر

مصطفى المغربي 30 أكتوبر 2015 15:10

روى الأستاذ الجامعي محمد هلالي تفاصيل رفض السلطات المصرية مشاركته في مؤتمر دولي باسم مصر.

 

وقال في تدوينة عبر صفحته على موقع التواصل الاجتماعي "فيس بوك": "طيب حاليًا يا جماعة بالنسبة لآخر تطورات الموضوع، اتصل بى مسئول من مؤسسة الرئاسة المصرية وابلغنى اعتذاره عن اللى حصل وأكد لي إن الرئيس تابع الموضوع من البحرين وأمرهم بحل المشكلة، وأنا حاليا فى انتظار التواصل مع وزراة الداخلية".

وكان قد ذكر في تدوينة سابقة: "مصر رفضت يا جماعة، أه والله رفضت، رفضت إنى أشارك باسمها فى مؤتمر دولي".

 

وتابع: "رفضت بعد تعب شهور علشان اطلع بحث علمى محترم يتقبل البحث وتكلمنى الجامعة إنى لازم أحضر وأناقش بحثى وبلدى ترفض تطلعني".

 

وأضاف: "وبعد طوابير كتير ولف فى مجمع التحرير ييجى الظابط ويقولى انت متسجل قدامى إنك طالب رغم إنى جبتله ما يثبت إنى معيد وإنى طالب دراسات عليا، لأن ببساطة البلد مبطلعش أي طلاب لحضور مؤتمرات برة، والناس مستغربة ليه بقينا 139 من 140 فى جودة التعليم".

 

وواصل: "عموما مش هاحكيلكم عن لحظة اليأس اللى وصلتلها ولا الإحساس اللى حسيته لما الظابط قالى "مبحبش أكرر الكلام كتير ومتجليش تاني"، وانتهى حلمى بأول مشاركة ليا فى مؤتمر دولي، أول ما أمين الشرطة قفل فى وشى الباب علشان الباشا هيفطر، شكرًا يا مصر، شكرًا يا بلدى وتحيا مصر‬، ‏يارب هجرة‬".

 

اقرأ أيضًا:

  • تعليقات فيسبوك
  • اعلان