رئيس التحرير: عادل صبري 11:23 مساءً | الثلاثاء 14 أغسطس 2018 م | 02 ذو الحجة 1439 هـ | الـقـاهـره 37° صافية صافية

هاني الجمل يطالب بالإفراج عن باقي المتهمين في "قضية الشورى"

هاني الجمل يطالب بالإفراج عن باقي المتهمين في قضية الشورى

سوشيال ميديا

هاني الجمل

هاني الجمل يطالب بالإفراج عن باقي المتهمين في "قضية الشورى"

مصطفى المغربي 27 أكتوبر 2015 07:35

طالب المهندس هاني الجمل أحد المشمولين بالعفو الرئاسي الأخير بمناسبة عيد الأضحى المبارك بالإفراج عن باقي المتهمين في قضية أحداث مجلس الشورى

 

وقال في تدوينة عبر صفحته على موقع التواصل الاجتماعي "فيس بوك": "طيب بمناسبة أن بكره ذكري حبسنا، فعاملين حملة عشان أحمد عبد الرحمن وعلاء وكوجي وموكا اللي لسه محبوسين علي ذمة نفس القضية".

 

وتابع: "هناك 3 أصدقاء في نفس القضية هربانين برة مصر علي ذمة حكم غيابي بـ 15 سنة، الناس دي طبعًا في ظل حالة القمع اللي احنا عايشين فيها ماحدش بيذكرهم، علي أساس إن يا ريتنا احنا الناس الطبيعية "اللي مش علينا أحكام" نعرف نهرب من أم البلد دي".

 

وأضاف: "لكن الحقيقة هي إن الحكاية مش سهله أوي كده، وخصوصًا لو انت متجوز وعندك عيال ولا تملك توفير الوظيفة في الخارج اللي تخليك تعرف تجيب أهلك، ويمكن تضطر تستلف إلي ما لانهاية فقط للبقاء حيًا ترزق".

 

وواصل: "وده طبعًا علي أساس إن اضطرارك إنك تسيب بلدك وأبوك وأمك وأصحابك وشغلك وكل حاجه بتحبها وتضطر تطلع تكمل حياتك انت ومراتك وعيالك منفي بره بلدك ده شئ عادي ومش محتاجين نشغل بالنا بيه".

 

وذكر: "مش عارف أقول إيه، لكن هل بعد ما السيسي خرجنا علي أساس إن احنا مظلومين، مش واجب برضه يخرج بقية المظاليم في نفس القضية؟ مش واجب برضه يرجع اللي كان مظلوم زينا فخاف وهرب بره البلد؟".

 

واختتم: "هل احنا بقينا دلوقتي زي الفلسطينيين اللي بيطالبوا بحق العودة لبلادهم؟ هل الموضوع وصل لكده؟".

وأصدر الرئيس عبدالفتاح السيسي في وقت سابق قرارًا جمهوريًا برقم 386 لسنة 2015 بالعفو عن 100 شاب وشابة من الصادر ضدهم أحكام نهائية بالحبس، أبرزهم الناشطتان يارا سلام، وسناء أحمد سيف اﻹسلام، وجميع الفتيات المحبوسات على ذمة القضية المعروفة إعلاميًا بـ"مسيرة اﻻتحادية".

 

وشمل القرار محبوسين بموجب أحكام تتعلق بقانون التظاهر، وعددًا من الحاﻻت الحرجة صحيًا، والحالات اﻹنسانية. ففي قضية مسيرة اﻻتحادية رقم 8429 لسنة 2014 تم العفو عن 22 متهمًا، وفي القضية 12058 لسنة 2013 جنح قصر النيل الخاصة بالتظاهر في محيط مجلس الشورى تم العفو عن 18 متهما أبرزهم هاني الجمل وبيتر جلال يوسف.

 

اقرأ أيضًا:

  • تعليقات فيسبوك
  • اعلان