رئيس التحرير: عادل صبري 01:17 صباحاً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

نشطاء ينددون بوقف المحادثات الصوتية على الإنترنت

نشطاء ينددون بوقف المحادثات الصوتية على الإنترنت

سوشيال ميديا

صورة للتنديد بوقف المحادثات الصوتية

نشطاء ينددون بوقف المحادثات الصوتية على الإنترنت

عمرو عاطف 05 أكتوبر 2015 12:36

اعترض نشطاء بموقع التواصل الاجتماعي "فيس بوك" على قرار الحكومة المصرية بمنع المحادثات الصوتية والألعاب الأونلاين ووصفتها بـ "انتهاك الانترنت".

 

 

وقالت صفحة "ثورة الإنترنت": "العاب الاونلاين هى وسيلة الترفيه الوحيدة ليك ؟، وبتستخدم مكالمات الفيديو على سكايب تطمئن على أهلك فى الخارج او لاجراء مقابلات عمل او تستخدمها فى العمل نفسه ؟بتوفر استخدام الرسائل القصيرة والمكالمات باستخدام Whatsapp ؟كل ده فى مهب الريح وفى خلال شهور الحكومة المصرية هتمنع كل ده، لأنهم خطر على الامن القومى وبدلاً من منع مكالمات الفيديو مثلاً او منع المحادثات الكتابية كدول خليجية فقط لا غير هيتم قفل الألعاب الاونلاين بالكامل وهيبقى من المستحيل انك تدخل تلعب اونلاين شوية وتسلى نفسك".

 

وأضافت: "ردود شركات الانترنت يبين انهم كلهم ملهمش اى ذنب جهاز تنظيم الاتصالات هو المسئول الأول وهو جهاز تابع للحكومة المصرية بلغهم بقرار اغلاق الخدمات المشابهة وبكده هنقدر نقول اننا بنرجع بمصر سنين للخلف بدل ما تقدم للأمام".


وتابعت: "هيقولك الانترنت عشان الشغل؟!موصلهمش لسه ان فى حد بيكسب قوت يومه من المحادثات بالفيديو عشان يتابع مع عميل فى الخارج او انه يعمل مقابلة عمل لشركة عالمية مقرها بالخارج".
 

وواصلت: "هيقولك الامن القومى ولازم نمنعهم؟!الدول الخليجية منعت خدمات بالفعل لا توفر الاطلاع على المحادثات ومراقبتها وتركت خدمات ممكن مراقبتها والاتفاق مع الشركات المالكة لها ومقفلتش الانترنت كله على المستخدمين بحجة الامن القومى كلنا متفهمين الاخطار حسب وصفهم لكن الحل مش فى انك تقفل كله عشان توفر وتريح بالك فى حاجات كتير وحلول ممكن تطبق غير انك تقفل الحنفية على البلد كلها".

واستكملت: "
هيقولك لعب ايه وكلام فارغ ايه؟!اللعب على الانترنت مبقاش بس مجرد تسلية فى ناس بتكسب من اللعب يكفى اننا نقول ان مكسب لاعبين محترفين من بطولات الاونلاين ممكن يوصل مليون دولار فى السنه شغل ده ولا مش شغل!".


واستطردت: "هيقولك الانترنت للتعليم بس؟!محدش قالهم ان التعليم يشمل المؤتمرات بالفيديو وانك ممكن تاخد محاضرة فى معهد خارجى بالفيديو بدل ما تسافر وانت يادوب معاك تمن كورس بتاخده بتدفع تمنه اونلاين وتشوفوه اونلاين لأن دى قدرتك المادية".


واختتمت الصفحة تدوينتها قائلة: "اعملوا شير ووصلوا الرسالة لكل حد مهتم يمكن نعرف نغير حاجة".

 

 

  • تعليقات فيسبوك
  • اعلان