رئيس التحرير: عادل صبري 08:28 مساءً | الثلاثاء 11 ديسمبر 2018 م | 02 ربيع الثاني 1440 هـ | الـقـاهـره 22° غائم جزئياً غائم جزئياً

ساندرا وداليا .. قصة الانصهار بعيدًا عن الطائفية

ساندرا وداليا .. قصة الانصهار بعيدًا عن الطائفية

سوشيال ميديا

ساندرا وداليا

ساندرا وداليا .. قصة الانصهار بعيدًا عن الطائفية

مصطفى المغربي 12 يونيو 2015 10:14

روت ساندرا إحدى رواد موقع التواصل الاجتماعي "فيس بوك" المسيحية الديانة علاقتها الوطيدة بصديقتها المسلمة داليا بعيدًا عن أي اختلافات طائفية.

 

وقالت ساندرا في تدوينة عبر حسابها: "أنا اسمي ساندرا..مسيحية، وديه صاحبتي داليا..مسلمة، إحنا أصحاب قوي من أول سنة في الجامعة".

 

وتابعت: "يعني 4 سنين وسنتين بعد التخرج يبقى 6 سنين، مفتكرش مرة إن حصلت بيننا مشكلة كبيرة أو مرة اتخانقنا على حاجة تخص الدين مع إننا كتير بنتكلم عنه عادي". 

 

وأضافت: "ولما بنيجي نتقابل أقول لها قابليني عند الكنيسة وبننزل نفطر سوا في رمضان، بنعيِّد علي بعض في العيد وساعات بنخرج سوا أيام العيد وفي فرحي هتكون أشبينتي في الكنيسة عادي يعني".

 

وذكرت: "بنتكلم مع بعض في حاجات كتيرة وبنشارك مشاكلنا مع بعض وعلاقتنا كويسة قوي، علي فكرة بتحب ربنا وبتخافه وبتصلي وتصوم عادي يعني زي ما احنا بنعمل".

 

وأردفت: "أحب أقول لكل أب وأم مسيحيين متحضرين وإلي كل أب وأم مسلمين متحضرين متقولوش لأولادكم بلاش تلعبوا مع المسيحيين أو مع المسلمين، متزرعوش جواهم كره للاختلاف وتقبل فكر الاَخر".

 

واستطردت: "علموهم إزاي يختاروا أصحابهم بغض النظر عن ديانتهم، علموهم مبادي وقواعد اختيار الأصدقاء أن يكون عنده أخلاق ويكون بيصلي ويعرف ربنا إنه يكون عنده قيم ومبادئ ثابتة مقتنع بيها وماشي عليها".

 

اقرأ أيضًا:

  • تعليقات فيسبوك
  • اعلان