رئيس التحرير: عادل صبري 06:02 مساءً | الخميس 18 أكتوبر 2018 م | 07 صفر 1440 هـ | الـقـاهـره 28° صافية صافية

صورة.. سيدة تبيع القلل الفخارية بطريق الواحات ومسؤولون يحطمونها

صورة.. سيدة تبيع القلل الفخارية بطريق الواحات ومسؤولون يحطمونها

سوشيال ميديا

صورة السيدة

صورة.. سيدة تبيع القلل الفخارية بطريق الواحات ومسؤولون يحطمونها

سعد الشطانوفي 11 يونيو 2015 14:39

تداول نشطاء على موقع التواصل الاجتماعي فيس بوك صورة قالوا إنها لسيدة تبيع القلل والفخار على طريق الواحات المؤدي لمدينة 6 أكتوبر.

 

وتظهر الصورة بحسب الناشط شريف أسعد الذي نشر الصورة، السيدة وبجوارها أشياؤها من القلل والفخار وقد كسرها مسؤولو المرافق والبلدية بمدينة 6 أكتوبر، على حد قولهم.

 

وفي تعليقه على الصورة كتب أسعد منشورا بدأه بكلمة "#الست_دي"، أوضح فيه: "الست دي اللي قدامكم قاعدة في طريق الواحات المؤدي لمدينة 6 اكتوبر ، الست دي بتبيع " طواجن الفخار " وقلل".

 

وأضاف: "الست دي شايلة عيل بيرضع منه للشمس مستنية بني ادم يعدي عليها يشتري منها قلة بجوز جنيهات، الست دي بتحاول تاكل عيش بالحلال.. لا شغالة في كليبات سيب ايدي ولا بتشحت ولا بتسرق ولا طالعة مذيعة تطبل في المانيا وهي عليها حكم واجب النفاذ".


وتابع: "الست دي من شوية عدى عليها مسؤولين حي 6 اكتوبر او بتوع المرافق او البلدية... اي جهة من جهات التنظيم... محدش طلب منها تمشي... انما نزلوا حتتك بتتك على الفخار والقلل وخلوه زي ما انتوا شايفين... وسابوها مع الواد الرضيع قاعدة تشكي همها للي احسن من الكل ... ربنا".


وواصل: "الست دي ما فجرتش برج كهربا، الست دي ما قطعتش طريق، الست دي مش سايبة عواميد النور في 6 اكتوبر شغالة طول النهار ومضلماها طول الليل عشان نعمل حوادث ونموت ونريح البلد من زفتنا، الست دي معهاش فلوس ترشي بيها كل واحد يعدي عليها زي اصحاب المحلات والكافيهات المخالفة بعدد شعر راس المصريين كلهم... واللي مالية 6 اكتوبر و7 اكتوبر و53 اكتوبر كمان ومحدش بيكلمهم طالما بيدفعوا..وبيلاقوا اللي يرتشي... الست دي ... امي".
 

وعن الحل قال: "الحل: مطلوب فورا وعلى وجه السرعة الاعتذار لها من رئيس حي 6 اكتوبر مع تعويضها ماديا في الحال .... وتوفير مكان ثابت لها بتصريح من الحي لبيع منتجاتها بشكل ادمي محترم تحت حراسة البلدية والمحافظة... بدل مطاردة الناس في الشوارع وكأنهم ارهابيين... حل اهو". 
 

واختتم تعليقه بهاشتاجات "#مش_عارف_الم_لساني_واخرس #خليها_تشتغل_في_الدعارة #او_تربي_ارهابي #وطن_يعني_حضن #بلاش_تحضني_بس_سيبني_اكل_عيش_بالحلال".

 

شاهد الصورة..

 

اقرأ أيضًا:

  • تعليقات فيسبوك
  • اعلان