رئيس التحرير: عادل صبري 03:57 مساءً | الأربعاء 17 أكتوبر 2018 م | 06 صفر 1440 هـ | الـقـاهـره 28° صافية صافية

بالصور.."عشان لو جه ميتفاجئش" تحصد 144 ألف متابع

بالصور..عشان لو جه ميتفاجئش تحصد 144 ألف متابع

سوشيال ميديا

أحد صور الصفحة

في 48 ساعة ..

بالصور.."عشان لو جه ميتفاجئش" تحصد 144 ألف متابع

عمرو عاطف 09 يونيو 2015 10:00

حصدت صفحة "عشان لو جه ميتفاجئش" أكثر من 144 ألف متابع وذلك خلال يومان من إنشائها عقب انفعال رئيس الوزراء إبراهيم محلب بعد زيارته لمعهد القلب بحي الكيت كات.

 

 

وكتبت الصفحة فى تدوينة لها: "تنويه ...  جميع الصور المنشوره تم تصويرها من قبل الاطباء العاملين بالمستشفيات وذلك للعلم ... الاعلام بدأ يحور الموضوع بشكل يدين الاطباء اكتر".
 

 

وأضافت فى تدوينة أخرى: "لو قلتلكم ... ان عندنا لحد هذة اللحظة 368 رسالة لسه متفتحوش ... مش هتصدقونا ... لو قلنالكوا اننا طول اليوم بنحاول نخلص الرسايل .. مش هتصدقونا .... لو قلنالكوا ان أكتر من 90 % من الصور اللى وصلتنا النهارده معظمها لم يتخطى 5 ايام مش هتصدقونا .... لو قولنالكوا اننا وصلنا 117.000+ مش هتصدقونا ... لو قلنالكوا ان مليون و800 ألف شخص شافوا البوستات بتاعنا فى يوم وشوية ساعات مش هتصدقونا ...  ‫#‏عشان_لو_جه_ميتفاجئش‬".

 

 

وتابعت فى تدوينة اخرى: "‫‏الحملة سمعت أووووى‬ وكيل وزاره الصحه بالقليوبيه و الظاهر ان البيه حصله رعب و لا ايه من الحمله دي و شكل الحمامات فقام بعمل جوله تفتيش علي المستشفيات و كان كل همه يشوف دورات المياه و كان في منتهي قله الادب مع الناس في المؤسسه العلاجيه بالقليوبيه و لف في المستشفي و في ايده ورقه و قلم و نازل جزاءت بدون اي سبب بالرغم من تواجد الطاقم الطبي كله و كان في منتهي قله الذوق فمثلا وجد مصليه علي احد كراسى المعمل الذي يجلس عليه الكيمائيين فتوجه الي احدي الكيمائيين بالمعمل و اعطاها 20 يوم جزا ءكما اعطي فني الاشعه 10 ايام جزاء".

وواصلت: " الراجل اتهبل و لا ايه ...الغريبه لم يهمه في المرور ده الخدمه الطبيه مثلا و لا سكن الاطباء المعفن و كان واضح انه جاي يفتش علي دورات المياه و الاحواض فقط ... و هل من حقه ان يعطي موظف 20 يوم جزاء مباشر بدون سبب .... ده وكيل وزاره التفتيش علي الحمامات ..... حسبي الله ونعم الوكيل في الاغبياء".

 

كما نشرت العديد من الصور للاهمال فى المستشفيات والتى أثارت غضب النشطاء ..

وعلقت "Marwa Nagy" قائلة: "دي مدفن للاطباء مش استراحه".

 

وقالت "Dina Gamal EL-Din Yussuf": "دا على اساس ان الدكاتره هما المفروض الى ينضفو الحمامات و يصلحو البلاط و يعشو القطط.. نسيب شغلنا بقى و نقعد نفضى للحاجات دى".


وكتب "Amir Saied": "ياريت بردو تجيب صور الاطقم الطبية فى الخارج وربنا معاكم لتطوير المنظومة الصحية من كل جوانبها".

 

وتابعت "نسالك الجنه": "يا ناس كفايه قرف ايه ده دي عشوائيات".

وذكرت "Hala Hussien": "خلاص يا جماعه انتم ما صدقتوا الراجل مش رايح ولا هو جاي خلصنا".

 

وعن الصفحة تقول "Heba Mostafa Mahmoud": "الصفحه دي اقوي من مليون قناه زفت مشواهانا وبتاجر بينا وحاطانا كبش فدب".


وفى سياق متصل أشاد "Ahmed Abd El Maksood" بالصفحة قائلاً: "علي فكره الجروب ده اصبح هاااااام جدا جدا".

 

وتفقَّد المهندس إبراهيم محلب، رئيس مجلس الوزراء، اليوم السبت، معهد القلب بحي الكيت كات، بمحافظة القاهرة، وغضب محلب، مما رآه في المعهد، مما أسماه "إهمالاً" أقال على إثره مدير المعهد.

 

وأظهر مقطع فيديو، عرضه برنامج "الحياة الآن" ، انفعال محلب بشدة على موظفة بقسم الاستقبال، حين وأمامها مشتروات منزلية، حيث تبين من انفعاله أنَّه قال لها: "هو إحنا قاعدين في سوق".

 

شاهد فيديو انفعال محلب..

 

محلب منفعلاً على "موظفة بمعهد الكبد": هو إحنا قاعدين في سوق؟

Posted by Talk show Masralarabia on Saturday, June 6, 2015

 

 

اقرأ أيضًا:

  • تعليقات فيسبوك
  • اعلان