رئيس التحرير: عادل صبري 09:22 صباحاً | الثلاثاء 23 أكتوبر 2018 م | 12 صفر 1440 هـ | الـقـاهـره 33° صافية صافية

ماذا لو أصبحت رئيسًا للجمهورية؟

ماذا لو أصبحت رئيسًا للجمهورية؟

سوشيال ميديا

صورة معبرة

ماذا لو أصبحت رئيسًا للجمهورية؟

سعد الشطانوفي 05 يونيو 2015 14:24

تباينت آراء نشطاء موقع التواصل الاجتماعي "فيس بوك" في الإجابة على سؤال طرحته إحدى الصفحات على الموقع.

 

وطرحت صفحة "فبراير الأسود" سؤالا على متابعيها يقول "لو كنت رئيس الجمهورية لمدة يوم واحد! هاتعمل إيه"؟

 

وتفاعل المتابعون مع السؤال، حيث تباينت آراؤهم بين الجد والسخرية.

 

وعلقت Nhla Mn: "مش عارفة لكن أكيد مش حاخذ معايا 20 ممثل و إعلامي ملهومش 300 لازمة في زيارة لألمانيا"، ونال هذا التعليق إعجاب 552 متابعا.

ووضع Bâśśâm Mâğďý عدة أماني قال إنه سيفعلها لو صار رئيس الجمهورية.

 

وذكر أمانيه كالتالي:"1-توفيق عكاشه /موسي/الابراشي/مني الشاذلي/عمرو اديب/لميس/مرتضي ف السجن.

2-عزل جميع ضباط الداخليه الكبار بحجه معاش مبكر ونجيب غيرهم.

3-تعيين وزرا نضاف واللي منهم باسم عودة بتاع الاخوان للتموين وباسم يوسف اعلام.

4- فرض 20 الف جنيه علي كل واحد ثروته تتعدي ربع مليون جنيه وصرفها علي اسكان الفقراء ودي لو اطبقت مصر بكرة ميبقاش فيها فقير.

5-البدء في تصنيع قنابل نوويه نجيب كل العلماء بتوعنا واللي برة منهم كمان ونهيألهم الجو والامكانيات.

4-محاوله جعل جيش ال 22 دوله العرب جيش واحد وساعتها بالصلاه ع النبي نرفع اي جيش ف العالم بس دي مستبعدة لان كل الحكام وبالذات بتوع الخليج..... 

5- جعل المدارس عبارة عن 3 ساعات ف اليوم فقط و هعمل دواليب للطلبه يتحط فيها الكتب قبل مايروحو عشان ضهرهم ........

6-اعلان ان اي بائع جائل حكمه اعدام عشان نجيب م الاخر.

7- عساكر ف كل شارع ف البلد يشوفو الغلط ويصلحو زي واحد رمي زباله ياما يرجع يحطو ف السله اللي بردو هخلي فكل شارع سلتين ياما اعدام زي اللي قبلو.

8-مبارك اعدام وولادة لو الفلوس مرجعتش ولو قال قانون انا هعمل قانون طب والناس اللي ليها حق استفتاء ع الدستور مفيش استفتاء هعيش دكتاتور يوم عشان تتظبط.

9- مش هعمل كل دة غير لما اعلن الحرب علي اسرائيل مش هعيش نضيف واخواتي بينقتلو من يهود وانا هبقي عارف اني بعلن الحرب مش علي اسرائيل بس وبعلنها علي امريكا كمان بس ميبقاش اسمنا كنانه الله ف الارض والفلسطنيين بيدبحو".

وقال Amr Alaa: "هشتري قنبله نوويه و افجرهها في ام البلد علشان نخلص و نبدأ من جديد على نضافه"، ونال هذا التعليق إعجابا 408 متابعين.

وكتب Abdulrahman Mustafa: "هصدر قرارا اني ابقى رئيس جمهوريه مدى الحياة".

 

وأضاف Mostafa Eldaly: "هلم كل الاعلامين واموتهم واخلي باسم يوسف وزير الاعلام".

 

وتابعت Shymaa Mohamed: "هستقيل وابقى اول رئيس مصرى يستقيل فى التاريخ".

 

 

وواصل Ahmed Medhat: "هروح اشوف السلم اللي في سيدي جابر اللي محمود بكر قارفنا بيه واخلصه عشان يبطل زن علينا".

وذكرت Esraa Abo Raya: "هنشر العدل حتى ولو ليومـ واحد".

 

 

وأردف Hussein Mohamed: "هخرج كل الشباب الي في السجون واعمل تصالح مع جميع الأطراف السياسية وهخلي كل الناس تشارك في الحكم وهخلي عمر الليثي وزير الاعلام وباسم يوسف وزير ثقافه وابو تريكه وزير الشباب والرياضة".

 

وواصلت Asmaa van Gogh: "هشتري فيلا في اليابان واللحق اسافر علي اساس ان مفيش تاشيره وكدا".

 

وسخر محمود السيد: "هشحن كارت ب100".

 

وأضاف Mahmoud Dawoud: "هعمل ورقه ب ٥٠٠ واحط عليها صورتى تبقى للذكرى".

 

 

وتابع Ibrahem Ahmed: "هاعمل استفتاء علي اني اكمل مدة تانية واكيد هتتزور و هكسب اكيد".

وكتب Mohamed Mosalm: "هقضي ع الفساد الرشوه والوسطه . وهقضي علي الكبرياء بين الطبقات واهانه الفقراء . هعمل قوانين صارمه لفرض النظام بين الناس . ههتم بالتعليم واقضي ع الدروس الخصوصيه واعين مدرسين كفئ . هدي اراضي للفلاحين ومعدات وابني لهم بيوت ف الصحراء لاستصلاحها هعطيها لهم مجانا . وهقضي علي الفن المنحدر الشبه اباحي من افلام ومسلسلات".

 

وقال خليفة إبراهيم: "هعدم كل خونة مصر واطلع من السجون كل مسجون ظلم واعدم كل قضاة مصر المنافين وارجع لكل مظلوم حقة، ح يقولى كل دا فى يوم واحد اقولهم كل دا فى ساعة واحدة، فالظالم معلوم والمظلوم معدوم".

وكتب Elshex Mohamed Ahmed: "ههجر كل الشباب المصري علشان يعيش كبني ادم مرة واحده في حياته وانا اولهم".

 

وعلق Omar AraBy AbdelfaDel: "هاخلي مفيش صحرا في مصر اﻻ اذا كانت زراعة او مساكن والشباب اللي مش قادر يتجوز هاوفر لهم الشقة وبالفرش كمان واعمل خلايا شمسية ع البيوت وكل اﻻعلاميية هاعتقلهم".

 

وسخر Āhméđ Àbďałłah Elemary: "هوسع محل عم مطاوع بتاع العسير". 

 

وذكر Kareem Zeko: "اصدار قرار بتحويل مصر خلافه اسلاميه تحكم بالشريعه حتي ولو كان يوكلفني حياتي".

وقال Mahmoud Dawoud: "هعمل حظر تجول".

 

ووضع Mo Ha Med نقاطا قال إنه سيهتم بها منها: "-حاهتم بالتعليم..لا ان اساس بناء الدول التعليم، (مش حيبا فيه جاميعات خاصه-حعيد تنظيم المناهج)، حعدل بين الناس بلحق، مش حخلي حد جعان. وحعيش الناس في سلام و امان، حصدر قرار بمراجعه كافت الاتفاقات الدوليه، قرار بالغاء معاهده السلام. -حيبا فيه نظام و عدل مفيش ( كوسه و لا وصطه)، #ياه_لو_كونت_رئيس".

 

وعلق Mostafa Esmail: "هفرح الشعب كلة هعمل فى اليوم دة حفلة كبيرة اوووى افرح فيها الغلابة وكل الناس ودى كفاية".

 

وذكر Kareem Khaled: "هشيل حكومه بالموظفين واجيب شباب واغير الاداره تماما واحول كل ورق ل data في كومبيوتر يبقى انا كده اتخلصت من بيروقراطيه اجيب مستشارين كل استشاري في تخصصه يبقى دي بدايه ان بلد تتغير وكل حاجه بعد كده تتغير مدام اداره اتغيرت".

 

وقال Taha Hassan: "اغير الدستور وابقي رئيس دايم".

اقرأ أيضًا:

  • تعليقات فيسبوك
  • اعلان