رئيس التحرير: عادل صبري 12:51 صباحاً | الأربعاء 24 أكتوبر 2018 م | 13 صفر 1440 هـ | الـقـاهـره 33° صافية صافية

تقرير ساخر.. أول خروجة ليكي مع خطيبك طلب إيه؟

تقرير ساخر.. أول خروجة ليكي مع خطيبك طلب إيه؟

سوشيال ميديا

أرشيفية

تقرير ساخر.. أول خروجة ليكي مع خطيبك طلب إيه؟

مصطفى المغربي 13 مايو 2015 08:30

أول خرجة ليكي مع خطيبك طلب إيه؟؟.. سؤال طرحه نشطاء على موقع التواصل الاجتماعي "فيس بوك" وجاءت إجابات رواد مواقع التواصل بالعديد من المواقف الساخرة.

 

قال “Adel Ahmed”: “مكنش معاي فلوس كفاية قمت قعدت ف مطعم شيك ف شبين اسمه هوي بيروت وطلبت أكل جامد وقولت هرن ع حد صاحبي استلف منه المهم جتني فكره قولتلها انتي بتبصي للواد دا ليه قالتلي مفيش ولاد أصلاً قولتلها الجرسون وبتضحكيله اتصدمت روحت مزعق وقايم قامت ورايا المتر بيقولي الأوردر نازل يفندم قولتله أما تبقوا تحترموا الزباين نبقي نيجي ومشيت وزعلان بقي وصلتها وروحت لقيتها باعته رساله النهارده أسعد يوم ف حياتي عرفت إنك بتغير عليا موت".

وأضافت "Asmaa Salah Nasar”: “جو زى أول مره نخرج واحنا مخطوبين دخلنا مطعم فقال تطلبي ايه فكنت مكسوفة جدًا فقلت لا مش ها كل راح طالب لنفسه وقعد يأكل وأنا وقعدت اتفرج عليه".

وتابعت "Sara Mohamed”: “لا أنا خطيبي خرجني وعزمني ع العشا وجابلي هديه واحنا راجعين بس ده ايام الخطوبه بعد الجواز بيشتغل وياكل وينام ويلعب بيلاستيشن وبس تقريبا جاتلو حساسه من الخروج".

وذكر "Mido Elghaish”: “شربت كوبايه شاى بخمسين جنيه قلتها وحياه امى منتى خارجه خالص نشربو في البيت".

وأردفت "Samera Said”: “أول خروجة عزمنى على كباب وكفتة وسلاطات والحمد لله حاليا بيتحايل علية انى يعزمنى بس انا مبرضاش توفيرا للنفقات ههههههههههههه دى حقيقة".

واستطردت "Manar Mony”: “عزمني ع عصير قصب اصل كان يوم حظر تجول ومافيش محلات فاتحه وكانت اول واخر خروجه. يلا الله يحرقه".

 

وروت "Hanan Nour”: “أول خروجه كانت بعد الجواز بأسبوع قاعدنا فى الشارع تحت تمثال عمر مكرم وفضل ياكل سميط ومش لغاية ما البوكس رجع علينا بضهره ".

وقالت "Mony Waffek”: “مطعم إييه وكاافيه إيه ده كاان بيروحنى لحد البيت مشى والشمس على دمااغى وكنت أروح واقعه من الجووع، وماما تقولى انتى مش اكلتى بره اقوولها اه اكلت بس بزود تانى يعنى عادي".

 

اقرأ أيضًا:

  • تعليقات فيسبوك
  • اعلان