رئيس التحرير: عادل صبري 01:41 مساءً | الأربعاء 19 ديسمبر 2018 م | 10 ربيع الثاني 1440 هـ | الـقـاهـره 21° غائم جزئياً غائم جزئياً

إعلامي يروي تفاصيل تفجير مدينة الإنتاج

إعلامي يروي تفاصيل تفجير مدينة الإنتاج

سوشيال ميديا

مدينة الإنتاج الإعلامي أثناء انقطاع الكهرباء

إعلامي يروي تفاصيل تفجير مدينة الإنتاج

مصطفى المغربي 15 أبريل 2015 07:18


روى الإعلامي محمد الدسوقي رشدي  تفاصيل عن تفجير برجي الكهرباء بمحيط مدينة الإنتاج الإعلامي.

 

وقال في تدوينة له عبر صفحته على موقع التواصل الاجتماعي "فيس بوك": "طيب بما أني حضرت حدوتة التفجير بتاع المدينة من أوله لآخره خلينا نقول كلمتين، الارتباك كان سيد الموقف تماماً".

 

وتابع: "طريق مهم يعتبر ظهير النايل سات ومدينة الإنتاج الإعلامي وفيه أبراج الضغط العالي اللي بتغذيهم بالكهرباء مظلم تماماً وغير مؤمن حتي بكمين واحد، أول ٢٠ دقيقة محدش عارف ايه اللي حصل والضباط كنا معاهم بندور علي إيه حصل ووصلت معاهم في نفس التوقيت واندهشنا مع بعض إن البرجين انضربوا".

 

وأضاف: "الإخوة في التلفزيون المصري مصممين يعيشوا في البلوظة ويضحكوا ع الناس ويقولوا عطل فني، الأخ اسامة هيكل المسؤول علي المدينة فضل ساعتين يقول معلومات غلط عن اللي حصل تفجير في كابل وبعدين قال إنه راح مكان الحادث وده محصلش مدير الأمن بس اللي راح".

 

وذكر: "تفجير البرجين دول تحديدا من بين حوالي ١٠ أبراج ضغط عالي واختيارهم دون ابراج بتغدي مناطق أخري ومعرفة أن الاتنين دول بتوع مدينة الاإنتاج معناه إن وزارة الكهرباء فيها حد بيلعب بديله، الأخ الإرهابي اللي لقي وقت يزرع ٨ قنابل حوالين برجين المسافة بينهم حوالي ١٥٠ متر وبينهم طريق حارتين معناه إنه كان مرتاح ومذاكر المنطقة وعارف إنه في أمان".

 

وأردف: "لما مدينة الإنتاج بأكملها ميكونش ليها تيار كهربي بديل أو خطة إسعاف لطوارئ الكهرباء بمولدات أو غيره تبقي خيبة قوية، ضباط المفرقعات رجالة بجد ويستحقوا مليون تحية، الضباط عمومًا رغم كل الملاحظات ربنا يكون في عونهم صوت انفجار العبوة الأخيرة وقت تفكيكها كان مرعب، تفكيك العبوة علي بعد أمتار منك وسماع صوت تفجيرها بالرعب ده بياخد قلبك".

 

واستطرد: "فرحة الناس بإن المحطات بلكت ووقعت لازم تكون دافع رئيسي عشان الناس اللي في الميديا تفكر في التغيير وتسأل ليه المواطن بيكره وسائل الإعلام".

يذكر أن برجي كهرباء بمحيط مدينة الإنتاج الإعلامي بمدينة 6 أكتوبر بمحافظة الجيزة قد سقطا في ساعة متأخرة من مساء الاثنين، مما أسفر عن انقطاع الكهرباء عن مدينة الإنتاج الإعلامي وتوقف البث عن أغلب القنوات الفضائية بالقمر الصناعي “نايل سات”.

 

اقرأ أيضًا:

  • تعليقات فيسبوك
  • اعلان