رئيس التحرير: عادل صبري 02:30 صباحاً | السبت 20 أكتوبر 2018 م | 09 صفر 1440 هـ | الـقـاهـره 28° صافية صافية

فيديو.. "الشاب أشرف" وإنقاذ الجيش الهندي للمصريين باليمن

فيديو.. الشاب أشرف وإنقاذ الجيش الهندي للمصريين باليمن

سوشيال ميديا

الشاب أشرف

فيديو.. "الشاب أشرف" وإنقاذ الجيش الهندي للمصريين باليمن

عمرو عاطف 14 أبريل 2015 16:15

تداول نشطاء على مواقع التواصل الاجتماعي مقطع فيديو لحلقة جديدة من برنامج "الشاب أشرف" بعنوان "أشرف شان"، للساخر عبد الله الشريف.

 

تطرق الشاب أشرف فى حلقته لإنقاذ الجيش الهندي للمصريين العائدين من اليمن.

 

وروت علياء جابر محمد مصرية عائدة من اليمن تفاصيل عودتها من اليمن، كما أشادت بدور الجيش الهندي في مساعدتهم وتقديم يد العون لهم.

 

وقالت في تدوينة لها عبر حسابها على موقع التواصل الاجتماعي "فيس بوك": "الجيش الهندى رجال .. رجال قوى .. رجال جدًا .. رجال خالص".

 

وتابعت: "سبب إن أنا لسه عايشة لحد دلوقتى بعد إراده ربنا.. "الجيش الهندى”.. أيوة الهند، الهند اللى بعتت سفينة حربية للمرة التانية علشان تجلى رعاياها من اليمن قررت إنها تاخد قرار إنسانى يتكتب فى تاريخها وتنقذ الجنسيات التانية (بدون أى تفرقة) و تاخدنا معاها لجيبوتي".

 

وأضافت: "الجيش الهندى نقلنا للسفينة و نزلنا الغرف اللى المفروض الجيش ينام فيها و نيمونا احنا مكانهم وفضلوا هما صاحيين يقدمولنا خدمة فايف ستارز بلس، جابولنا عشاء وعصائر ولبن وأدوية ودكاترة للناس التعبانة لحد ما ننام".

 

وذكرت: "و بعد ما صحينا جابولنا فطار وفضلوا يخدمونا لحد ما نزلنا من السفينة، فى جيبوتى بقى كان فى وفد من السفارة المصرية مستنينا والسفير بنفسه استقبلنا، خلصولنا كل الإجراءات وقالولنا احنا مرتبين ليكوا كل حاجة لحد ما ترجعوا مصر".

 

وأردفت: "قعدنا يوم فى الاوتيل وأنا نزلت البحر وخدت تان، وتانى يوم سافرنا، بس قبل ما نسافر بقى السفاره مضتنا على إقرار إننا لما نرجع مصر ندفع فلوس التذاكر اللى مصر دفعتهالنا، بعيد عن إن طز فى الفلوس وإن كتر خيرهم فى كل الأحوال بس ليه الهند هى اللى تنقذنا من الخطر وتسفرنا معاها و تأكلنا وتنيمنا وتعالجنا وكل دا من غير ولا مليم ومصر اللى هى(أمي) تمضينا على إقرار نرجع الفلوس اللى دفعوهلنا؟".

 

واستطردت: "المهم إن احنا سافرنا من جيبوتى لإثيوبيا و من إثيوبيا لمصر و هنا بقى مصر استقبلتنا أول ما وصلنا المطار كانوا مقدرين قوي قد إيه احنا متمرمطين بقالنا أسابيع فمباحث المطار أخدت باسبورتنا وقعدونا ساعة و نص وبعدين مشونا، عمومًا أنا مبسوطة بالرحلة دى كلها علشان بعيًدا عن أى حاجة صعبة شفتها و مش هاحكى عنها فأنا برضه شفت إن الدنيا لسه فيها خير كتير وفيها ناس بتساعد وتضحي وهى مش مستنية أى حاجة من حد".

 

واختتمت: "شكرًا لوزارة الخارجية اللى كانت بتطمن عليا طول الوقت وحاولت تساعد بس معرفتش، شكرًا للسفارهة اللى استقبلتنا فى جيبوتى، شكر أكبر لكل الناس اللى حاولت تساعد هنا و لو أطول اشكركم واحد واحد هعمل كدا، و أى شكر مايكفيش الدولة المحترمة اللى كنا بنتريق عليها اللى اسمها (الهند)، وطبعًا الحمد لله".

شاهد الفيديو..


 

اقرأ أيضًا:

شاهد آخر حلقات الشاب أشرف.. "عاصفة السد"

  • تعليقات فيسبوك
  • اعلان