رئيس التحرير: عادل صبري 10:38 مساءً | الأربعاء 18 يوليو 2018 م | 05 ذو القعدة 1439 هـ | الـقـاهـره 36° صافية صافية

بعد تعذيب "كلب الهرم".. مغردون: حاكموا دواعش مصر

بعد تعذيب كلب الهرم.. مغردون: حاكموا دواعش مصر

سوشيال ميديا

كلب - أرشيفية

بعد تعذيب "كلب الهرم".. مغردون: حاكموا دواعش مصر

محمد السودانى 25 فبراير 2015 19:22

دشن مغردون على موقع التدوين المصغر "تويتر" هاشتاج جديدًا بعنوان، "كلب شارع الهرم"، للتنديد بواقعة تعذيب كلب بشارع الهرم، من قبل مجموعة أشخاص، طالبوا بتقديمهم للمحاكمة.

 

حصد الهاشتاج تفاعلاً كبيرًا بين النشطاء، واحتل المركز الثالث في "تويتر ترند" على مستوى مصر، حيث قال "غنيم": "لو عملوا اللي عملوه ده ف صاحب الكلب كان هيبقى أهون. رغم ان ده انسان وده حيوان . ايوه.. هي المرجله ان حد ياخد تاره من كلب".

وكتب "المخلصون راحوا": "#كلب_شارع_الهرم علم عليك وهو عايش مره وعلم عليك وهو ميت بقية عُمرك , وكل كلب هتقابله هيفكرك بان فصيلة الكلاب علمت عليك - بشر ادنى من الوحوش".

وأضاف "ادعوا لمصر": "#كلب_شارع_الهرم انت ماتفرقش حاجة عن داعش و ماتستحقش تكون انسان فعلا الكلاب اوفى من الانسان".

فيما قال "مهندس هيثم الحريري": "مش كل كلب حيوان ومش كل راجل انسان #كلب_شارع_الهرم".

بينما علق "Doaa Raafat": "أبسط حق للحيوان المسكين ده أن يكون العقاب من جنس العمل اللي ارتكبوا الجريمة دي لازم يعذبوا ويذبحوا بنفس الطريقه #كلب_شارع_الهرم".

وأردف "Bassam Elbiltagi": "بلد مفيش بني ادم بيرجعله حقه فيها، ولا معاملة ادميه مع البني ادمين نفسهم، مستني ايه ؟ #كلب_شارع_الهرم".

واستطرد " كنزى to be ": " #كلب_شارع_الهرم اللى قرروا ياخدوا تارهم من كلب كل ذنبه ان ربنا خلقه وفي لصاحبه فعض الناس اللى صاحبه اتخانق معاهم فدول اقل من ان نجيب سيرتهم".

وعلق "ZeyaD HameD": "يجب محاكمة دواعش هؤلاء ليسو بشر بل مجموعة من القتلة#كلب_شارع_الهرم".

وقد تداول نشطاء على موقع التواصل الاجتماعي "فيس بوك" مقطع فيديو لمجموعة من الأشخاص يعذبون كلبًا قبل أن يذبحوه، مما أثار غضب النشطاء الذين دشنوا هاشتاج " كلب شارع الهرم" للتنديد بالواقعة.

 

اقرأ أيضًا:

  • تعليقات فيسبوك
  • اعلان