رئيس التحرير: عادل صبري 03:38 صباحاً | الجمعة 25 مايو 2018 م | 10 رمضان 1439 هـ | الـقـاهـره 39° صافية صافية

تامر أبو عرب: عندنا قوانين بتطبق على الغلابة بس

تامر أبو عرب: عندنا قوانين بتطبق على الغلابة بس

سوشيال ميديا

الكاتب الصحفي تامر أبو عرب

تامر أبو عرب: عندنا قوانين بتطبق على الغلابة بس

محمد السوداني 24 فبراير 2015 18:31

سرد الكاتب الصحفي تامر أبو عرب، قصة شخصية حدثت له، لإظهار تناقض استخدام القوانين في مصر، على خلفية حصول وزير الداخلية الأسبق حبيب العادلي، ورئيس وزراء مصر الأسبق أحمد نظيف على حكم بالبراءة في قضية "اللوحات المعدنية".

 

وقال في تدوينة مطولة له عبر حسابه الشخصي على موقع التواصل الاجتماعي "فيس بوك": "في 2003 كنت لسة بادئ شغل في الصحافة وجديد علي القاهرة. قطعت تذكرة مترو بجنيه وركبت من المظلات لمحطة جمال عبد الناصر. بعد ما نزلت من المترو بدور في جيوبي ملقيتش التذكرة، وببراءة شاب قروي خام استنيت حد بيعدي وقمت معدي من وراه، لقيت واحد لابس يونيفورم الأمن جاي ورايا وبيسألني علي البطاقة، اديتهاله بص فيها وقالي فيه عشرة جنيه غرامة علشان عديت من غير تذكرة.".

 

وتابع: "قلت له والله أنا قاطع تذكرة بس تقريبا وقعت مني ومعرفش إن فيه غرامة لو عديت من غير تذكرة، قالي بجدية شديدة "الجهل بالقانون لا يعفي من المسؤولية".

 

وأضاف: "اعتذرت له بكل الطرق علشان يديني البطاقة ويسيبني أمشي وأقسمت له إن كل اللي في جيبي 15 جنيه تقريبا وهرجع بيهم المنوفية، قاللي تاني إن "الجهل بالقانون لا يعفي من المسؤولية" وكان بيكررها ما بين كل جملة بجملة، وقالي عاوز تمشي امشي بس هتسيب البطاقة وهيتعمل لك محضر وهيتحول لقضية.".

 

واستطرد: "فقدت الأمل في إنه يتعاطف معايا ودفعت الـ10 جنيه علشان خفت فعلا إن الموضوع يتحول لقضية وأتحبس علشان تذكرة بجنيه ومشيت بشوية فكة ولما رحت الجرنال استلفت فلوس من زمايلي عشان أقدر أروح.".

 

واستكمل: "افتكرت الموقف ده النهاردة لما شفت حيثيات قضية اللوحات المعدنية اللي قال فيها القاضي إن حبيب العادلي كان جاهل بالقوانين ونظيف حسن النية وعلشان كدة خدوا براءة رغم إنهم أهدروا ملايين على خزينة الدولة.".
واختتم تدوينته قائلاً: "احنا عندنا قوانين علي فكرة. بس بتتطبق علي الغلابة بس".

وأصدرت محكمة جنايات القاهرة، المنعقدة بأكاديمية الشرطة، الثلاثاء، حكمًا ببراءة رئيس الوزراء السابق الدكتور أحمد نظيف، ووزير الداخلية السابق اللواء حبيب العادلي، في القضية المعروفة إعلاميًا بـ "اللوحات المعدنية".

 

اقرأ أيضًا:

  • تعليقات فيسبوك
  • اعلان